Print this page

CNTBTO Husu Timor Ratifika Konvensaun Bandu Halo Atividade Arma Nuklear

By December 22, 2021 298
Ministra Negósiu Estranjeiru no Kooperasaun (MNEK), Adaljiza Magno, hamutuk Ezekutivu Diretór CNTBTO, Rob Floyd, observa hela atividade ne’ebé CNTBTO hatudu. Ministra Negósiu Estranjeiru no Kooperasaun (MNEK), Adaljiza Magno, hamutuk Ezekutivu Diretór CNTBTO, Rob Floyd, observa hela atividade ne’ebé CNTBTO hatudu. Foto Suplay

Tempotimor (Díli)-Ministra Negósiu Estranjeiru no Kooperasaun (MNEK) Adaljiza Magno hateten, The Comprehensive Nuclear-Test- Ban Treaty Organization (CNTBTO) husu ba Timor-Leste atu ratifika lalais Konvensaun Bandu labele halo atividade nuklear.

"Ha'u Responde konvite CNTBTO nian sira husu para ida hodi ratifika lalais Konvensaun Bandu Labele halo atividade Arma nuklear”, dehan Adaljiza Magno ba Jornalista bainhira aprezenta relatóriu viajen ba Primeiru Ministru (PM), Taur Matan Ruak iha Palásiu Governu, kuarta (22/12).

Ho akordu ne'e asina ona iha tinan 2008 maibé seidauk ratifika to'o agora, tanba ne’e CNTBTO husu atu ratifika lalais.

"Ne'e ita asina tiha ona iha tinan 2008 agora iha hein atu ratifika de'it, tanba ami sei halo proposta ba Konsellu Ministru (KM) aprova depois lori ba Parlamentu Nasionál (PN)”, esplika nia.

Kestaun ne'e Primeiru Ministru apresia ba servisu ne'ebé mak MNEK durante hala'o nia servisu iha estranjeiru.

"Primeiru Ministru Kontente nia apresia relatóriu ne'e, prontu espera tinan oin iha bele organiza reuniaun ne'e ho di'ak”, afirma nia.

Tuir informasaun ne'ebé www.tempotimor.com asesu iha pájina ofisiál CTBTO katak, Sekretáriu Ezekutivu simu MNEK, Adaljiza Magno iha loron 18 fulan-novembru hodi halo diskusaun kona-ba kooperasaun ne'ebé hamutuk ho CTBTO.

Durante nia vizita mós ko'alia kona-ba sistema verifikasaun internasionál inklui mós scientific and civilian applications, no haree mós sentru operasaun, no mós monitoriza sistema assume sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items