Print this page

FRETILIN 'Hamnasa' Planu PLP Utiliza Tais iha PN

By December 21, 2021 1450
Deputadu Bankada Frente Revolusionáriu Timor-Leste no Independente (FRETILIN), José Agustinho Siqueira "Somotxo". Deputadu Bankada Frente Revolusionáriu Timor-Leste no Independente (FRETILIN), José Agustinho Siqueira "Somotxo". Foto Tempo Timor

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), José Agustinho Siqueira "Somotxo" hamnasa Deputada Bankada Partidu Libertasaun Popular (PLP), Regina Freitas kona-ba planu deputadu 65 kada semana utiliza tais iha plenária Parlamentu Nasionál (PN).

"Kona-ba tais, ohin señora deputada (Regina Freitas) ko'alia kona-ba Tais feto entaun ne'e ha’u hamnasa tanba ami Lautein kuandu feto sira hatais Tais ami hakfolik, ida ne'e mak hanesan atu kontrariu iha parlamentu ida ne'e”, dehan Somotxo iha plenária PN, tersa (21/12).

Deputada Bankada PLP Regina Freitas hatete, nu’udar feto, orgullu ba valorizasaun tais timor, no ida ne'e konserteza fo tan ona servisu boot ba feto sira, hodi bele organiza malu atu tais ne'e bele sai di’ak liután.

Tanba ne'e, prefere ba meza prezidente parlamentu nasonál atubele aprova tiha rezolusaun ida, atu nune'e deputadu 65 bele uza tais hahú iha loron 6 janeiru 2022, hodi hatudu nafatin uniforme iha PN, oinsá mak motiva institusaun sira halo tuir.

Maibé deputadu Somotxo haree katak utilizasaun tais ne’ebé deputada Regina ko’alia, ida ne'e kontrariu fali ho realidade.

Purtantu Parlamentu Nasionál deside aprova votu númeru 33/2021, nu’udar kongratulasaun ida husi Parlamentu Nasionál ba inskrisaun lista patrimonia kultural no material ne’ebé nesesita salva guarda urjente ba UNESCO. 

"Rezultadu votasaun afavor 39, kontra 0 abstensaun 0, nune'e votu númeru 33/2021 aprovadu”, dehan Prezidente Parlamentu Nasionál (PN), Aniceto Longuinhos Guterres Lopes, iha plenária, tersa (21/12). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items