Print this page

Deputada Olinda Hakarak Partisipa Expo Dubai 2022

By December 21, 2021 898
Deputada Bankada Kmanek Haburas Unidade Nasional Timor Oan (KHUNTO), Olinda Guteres. Deputada Bankada Kmanek Haburas Unidade Nasional Timor Oan (KHUNTO), Olinda Guteres. Foto Suplay

Tempotimor (Dili)-Deputada Bankada Kmanek Haburas Unidade Nasional Timor Oan (KHUNTO), Olinda Guteres, mehi hakarakpartisipa Expo Dubai ne’ebé sei hala’o iha tinan 2022, hodi bele kontrola aprezentasaun husi Governu Timor-Leste.

"Ita haree tok tinan-oin mai bele la'o nafatin ka la'e, se ba nafatin entaun lori netik ita-nia kultura ba. E tinan oin mai, ha’u hakarak ba hotu atu haree”, dehan nia iha plenária PN, tersa (21/12).

Deputada KHUNTO ne'e haree katak durante ne'e Governu sempre ba Dubai bei-beik no gasta osan boot, maibé sira la lori kultura timor nian ba aprezenta iha ne'eba.

Maske ajenda kona-ba Expo Dubai ba tinan oin nian seidauk fiksu, maibe nuudar deputada deside sei ba hotu, bainhira rona katak expo Dubai iha.

Tanba expo Dubai ne'e nu’udar oportunidade ba Governu bainhira ko’alia kona-ba identidade no tais, entaun tenke promove iha tempu sira hanesan ne'e, maibé la'ós ba aprezenta buat seluk.

"Liliu ba MTKI ninian, bele karik nia tenke lori ita-nia produsaun ba rai liur, no ba nasaun ne’ebé de'it, liliu ba Dubai”, esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items