Login to your account

Username *
Password *
Remember Me

Deputadu CNRT Sai 'Vítima' ba Atetude Prezidente PN

Vise Xefe Bankada Congresso Nacionál de Reconstrução de Timor (CNRT), Patrocino Fernandes. Vise Xefe Bankada Congresso Nacionál de Reconstrução de Timor (CNRT), Patrocino Fernandes. Foto Suplay

A Tempotimor (Dili)-Deputadu bankada Congresso Nacionál de Reconstrução de Timor (CNRT) na'in-21 sai vítima ba atetude ne’ebé hatudu husi Prezidente Parlamentu Nasionál (PN), Aniceto Longuinhos Guterres Lopes, iha debate ba proposta-lei Orsamentu Jerál Estadu (OJE) 2022.

Vise Xefe Bankada Congresso Nacionál de Reconstrução de Timor (CNRT), Patrocino Fernandes hatete, iha loron hirak liuba CNRT hetan insultu husi deputadu bankada Governu nian maibé meza la fó fatin ba CNRT atu halo defeza.

"At liután halo insultu no ameasas ba deputadu sira, liliu deputadu sira husi bankada CNRT nian katak sei haruka sai husi plenária”, dehan nia liuhusi deklarasaun votu ba proposta OJE 2022 iha PN, kinta (16/12).

Iha ne'e Bankada CNRT pertende atu halo avaliasaun ba deputadu Aniceto ninia kapasidade atu halo jestaun nomós ninia komportamentu nu’udar membru orgaun soberanu ida. 

Tanba kaer ba Rejimentu Parlamentu Nasional ne'e tuir loloos meza tenke fó mós oportunidade ba deputadu sira no Bankada insisti atu halo defeza ba naran di’ak Bankada nian bainhira hetan kritika husi deputadu bankada seluk. 

Maibé, deputadu Aniceto la fó fatin, no akontese mak deputadu Aniceto orienta fali debate ne’e hanesan ema barullu iha Merkadu no Terminal no iha luron-ninin sira, hodi nune’e hamonu tiha imajen ladi’ak ba orgaun soberanu ida ne’e iha públiku.

Ba problema seluk mak, Deputadu Aniceto lidera Meza PN rejeita no la admite proposta sira ne’ebé deputadu CNRT submete ho razaun tanba deputadus CNRT konsidera VIII Governu Viabilizadu hanesan Governu Inkonstitusional iha intervensaun sira, mezmu iha proposta balun ne’ebé deputadu Bankada Governu submete fora do tempu.

"(Ezemplu: proposta 152) sira hodi justifika katak Tribunál deklara ona Governu de Faktu ne’e Konstitusionál”, dehan nia.

Bankada CNRT konsidera Prezidente Parlamentu ilegal ne’ebé uza Tribunál nia naran hodi hanehan direitu husi deputadu CNRT nian ne’e laiha fundamentu, bosok públiku.

Tanba petisaun ne’ebé CNRT hatama ba Tribunál Rekursu hetan indeferimentu tanba razaun prosesual, Tribunál seidauk haree ba nia substánsia de matéria husi CNRT nia petisaun.

Ne'e duni, Bankada CNRT hakarak hato’o lamentasaun kona-ba maneira Prezidente Parlamentu ilegal ne’ebé jere diskusaun la haree ba proporsionalidade hodi limita Bankada Opozisaun halo intervensaun, hanoin kritika no hato’o opiniaun dezde debate no aprova proposta OJE 2022. 

Deputadu CNRT haree katak laiha ona respeita ba direitu partidu polítiku sira-nian atu halo opozisaun ne’ebé demokrátiku, ka atu simu informasaun regular no direita kona-ba lala’ok asuntu interese nasionál nian hanesan konsagra iha artigu 70 husi Konstituisaun Repúblika. (*)

Rate this item
(2 votes)
Last modified on Friday, 17 December 2021 11:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter