Print this page

PLP 'Hakarak' Governu Hamosu Loron Nasionál Tais Timór

By December 16, 2021 847
Deputada Bankada Partidu Libertasaun Popular (PLP), Maria Angelina Sarmento. Deputada Bankada Partidu Libertasaun Popular (PLP), Maria Angelina Sarmento. Foto Suplay

Tempotimor (Dili)-Deputada Bankada Partidu Libertasaun Popular (PLP), Maria Angelina Sarmento, husu Governu atu hamosu loron nasionál kona-ba Tais Timór, hanesan patrimonia mundial ne’ebé hetan ona rekoiñesimentu husi United Nations Educational Scientific and Cultural Organization (UNESCO).

"Ha’u husu Governu atu deside loron nasionál ba tais nian, atu ema hotu bele uza tais iha loron nasionál ida ne'e”, dehan Matia Angelina iha plenária, kuarta (15/12).

Bankada PLP hakarak fó parabéns no kongratula ba povu Timor-Leste liliu ba soru-na’in sira hotu, inan sira-ne’ebé soru tais durante ne’e, nomós ba organizasaun Komisaun UNESCO, ekipa SEAK, MESSK. 

Tanba Timor-Leste nia tais hetan ona rekuñesimentu husi Ajensia Nasaun Unida ba Edukasaun Siénsia no Kultura (UNESCO) sai nu’udar patrimóniu kulturál no  materiál hanesan patrimóniu mundiál. 

Maske prosesu ba rejistu tais ne’e hahú kedas iha 2016, halo estudu no halo investigasaun ne’ebé UNESCO nia peritu sira mai halo iha Timor-Leste hodi koopera ho SEAK, no peskiza, estudu ba aprezenta ba UNESCO no iha fatin barak inklui organizasaun sosiedade sivíl sira hotu ne’ebé servisu ba rejistu tais nian no Ministéiru Turizmu Komérsiu Indústria (MTKI) hodi halo promosaun ho dezafiu barak prosesu naruk maibé to’o hetan duni rekoñesimentu.

Tanba ne'e husu ba soru-na’in sira iha inisiativa liután atu produz tais la’ós kuntidade de’it maibé kualidade ne’ebé di’ak atu bele atrai merkadu iha mundu. (*)

 

Rate this item
(1 Vote)
Last modified on Thursday, 16 December 2021 13:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items