Login to your account

Username *
Password *
Remember Me

SEFOPE Entrega Mate Isin Germenino de Deus ba Família

Sekretáriu Estadu Formasaun Profesionál no Empregu (SEFOPE) liuhusi Diresaun Nasionál Empregu Exteriór (DNEE) ho ekipa entrega hela Mate-isin Germenino de Deus ba família sira iha  Aeroportu internasional Nicolao Lobato, kuarta (15/12). Sekretáriu Estadu Formasaun Profesionál no Empregu (SEFOPE) liuhusi Diresaun Nasionál Empregu Exteriór (DNEE) ho ekipa entrega hela Mate-isin Germenino de Deus ba família sira iha Aeroportu internasional Nicolao Lobato, kuarta (15/12). Foto Suplay

Tempitimor (Dili)-Sekretariu Estadu Formasaun Profesional no Empregu (SEFOPE) liuhusi Diretór Diresaun Nasionál Empregu Exteriór (DNEE), Filomeno Soares, hamutuk hó adidu traballu Timor-Leste iha Austrália Tomas de Araújo Guterres deside entrega mate-isin Germenino de Deus ne’ebé mak lori fila husi Nasaun Austrália ba família.

Matebian Germenino de Deus hanesan traballadór ne’ebé ba hala'o servisu iha Austrália liuhusi programa SWP (Seasonal Worker Program) iha tinan 2019.

Iha loron 27 fulan-Novembru matebian hakotu nia iha Ospital Royal Darwin Austrália tanba rai lakan ne’ebé kona iha loron 23 fulan-Novembru 2021.

Tuir informasaun ne’ebé mak publika iha pájina ofisiál SEFOPE katak, matebian Germenino de Deus nia isin mate ne’ebé mak lori husi Austrália ho Aviaun Airnorth, to’o ona iha Aeroportu Internasionál Komoro, kuarta (15/12).

Matebian ne'e nia isin mate simu diretamente husi Diretór Diresaun Nasionál Empregu Exteriór Filomenu Soares ho ekipa, hodi entrega kedan ba família matebian, hodi halo serimónia funerál tuir tradisaun Ermera ni’an.

Diretór Diresaun Nasionál Empregu Exteriór Filomenu Soares, reprezenta Governu liliu SEFOPE hato’o sentidu kondelensia profundu ba família matebian, no enkoraza matebian nia kaben Maria Gorete atu forsa nafatin hodi hasoru situasaun hotu.

Matebian Germenino de Deus moris iha loron 01 fulan-Jullu tinan 1987, iha suku Dukurai, Postu Administrativu Letefoho, Munisípiu Ermera, oan husi aman Elias Soares no inan Elda Soares. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter