Login to your account

Username *
Password *
Remember Me

PR Promulga Alterasaun Dekretu Lei ba Fundu Rezerva Seguransa Sosiál

Prezidente Repúblika (PR), Francisco Guterres ‘Lú Olo’. Prezidente Repúblika (PR), Francisco Guterres ‘Lú Olo’. Foto Suplay

Tempotimor (Dili)-Prezidente Repúblika (PR), Francisco Guterres ‘Lú Olo’, Promulga alterasaun dahuluk ba dekretu lei ba fundu seguransa sosiál, liuhusi Dekretu-Lei n°55/2020, 28 outubru, mak Estadu Timor-Leste hari’i Fundu Rezerva Sosiál no define ninia modelu jestaun, iha ámbitu rejime kontributivu foun iha Timor-Leste, Rejime Repartisaun no Fundu Rezerva.

Hafoin tetu situasaun ekonomia mundiál no indikadór ekonómiku no finanseiru, Konsellu Minstrus deside foti medidas balun hodi hasa’e rendimentu ba karteira Fundu Rezerva Seguransa Sosiál maibé ho risku kiik, atu nune’e, Fundu ne’e fó benefísiu babeibeik ba sira ne’ebé kontribui fulan-fulan ba rejime kontributivu foun iha Timor-Leste.

"Alterasaun dahuluk ba Dekretu-Lei ida ne’e hetan promulgasaun husi Prezidente Repúblika iha 13 dezembru 2021", dehan Xefe Kaza Sivil PR, Francisco Maria de Vasconcelhos liuhusi Komunikadu Imprensa, kuarta (15/12).

Rejime Kontributivu foun seguransa sosiál mak Rejime Repartisaun, obrigatóriu no kontributivu atu hetan direitu ba benefísiu (prestasaun sosiál), traballadór tenke kontribui ba rejime (kontribuisaun sosiál). 

Maibé traballadór la kontribui mesak, fulan-fulan, husi taxa kontributiva totál (10% husi saláriu mensal tomak), entidade empregadór kontribui ho pursentu  6 no  traballadór kontribui ho pursemtu  4.

Nune’e, traballadór hothotu no nia entidade empregadór kontribui fulan-fulan ba “karteira komum” (hothotu nian). Osan sira ne’ebé mak akumula iha karteira komum ne’e sei uza atu selu fulan-fulan ba, prestasaun imediata (ezemplu selu subsídiu ba  maternidade no paternidade) ba sira ne’ebé sei servisu no kontribui hela  (jerasaun traballadór hanesan),

selu pensaun traballadór reformadu sira-nian (ezemplu  ema sira ne’ebé la servisu ona maibé kontribui ona ba rejime (jerasaun anterior).

Ba osan restu tinan-tinan, hafoin halo pagamentu sira temi iha leten,  tama fali iha Fundu Rezerva ida atu garante nafatin sustentabilidade sistema nian. Bainhira kontribuisaun la to’ó atu selu prestasaun sosiál, bele foti osan husi  Fundu Rezerva ne’e.  

Diploma refere ba modelu jestaun Fundu Rezerva Seguransa Sosiál (FRSSS)  hatuur ho aspetu tuir mai, FRSS permite rai osan restu (saldu) husi rejime kontributivu (kontribuisaun no prestasaun kada tinan)

Verba hirak ne’ebé akumula iha FRSS iha futuru, atu selu los de’it ba prestasaun sosiál ba ema ne’ebé mak kontribui ba Rejime Kontributivu.

FRSS pertense ba sistema seguransa sosiál, nune’e integradu iha perímetru orsamentu seguransa sosiál (OSS) no FRSS ne’e autonómu no iha modelu rasik ba jestaun.

Banku Sentral Timor-Leste (BCTL) mak responsável ba FRSS nia jestaun operasionál, liuhusi akordu ida ne’ebé sei asina ho Institutu Seguransa Sosiál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter