Print this page

TLPU-AJTL Rekomenda Estadu Promove no Prezerva Obras Jornalista Max Stahl

By December 15, 2021 739
Estrutura TLPU ho AJTL hasai foto hamutuk iha CAMSTL, Kolmera, tersa (14/12). Estrutura TLPU ho AJTL hasai foto hamutuk iha CAMSTL, Kolmera, tersa (14/12). Foto Suplay

Tempotimor (Díli)-Timor-Leste Presaun Union (TLPU) hanutuk ho Assoiasaun Jornalista Timor Leste (AJTL) rekomenda ba Estadu Timor-Leste atu kontinua promove no preserva obras husi jornalsita Max Stahl ne'ebé durante ne'e rai hela iha Sentru Audiovisual Max Stahl Timor-Leste (CAMSTL).

"Promove no preserva obra husi jornalsita Max Stahl nomós apoiu Centro Audivizual Max Stahl Timor-Leste, apoio transformasaun CAMSTL ba institutu públiku, Atribui naran Max Stahl ba avenida ruma iha Timor Leste”, dehan Portavoz Timor-Leste Presaun Union (TLPU) ho Assoiasaun Jornalista Timor Leste (AJTL), Zezito da Silva, iha CAMSTL, Kolmera, tersa (14/12).

TLPU no AJTL mós hato'o sentidu kondolénsia ba família matebian jornalista Max Stahl ne’ebé husik ona mundu iha 28 Outubro 2021 iha Austrália, tanba moras onkolojika ka kankru ne ebé mak nia sofre tinan barak nia laran.

AJTL ho TLPU tane aas nafatin obra ne’ebé mak saudozu Max Stahl husik hela ba Timoroan sira, la'ós de'it ba edifikasaun Estadu Direitu Demokráriku ida ne'e, maibé aktu ezemplar husi saudozu hodi sai verdadeiru, defensor ba direitu umanu, liberdade imprensa no liberdade espressaun.

Nune'e mós TLPU no AJTL konvida jornalista sira hotu atu konsentra hamutuk iha Aeroportu hodi simu Saudozu nia sinza.

"Max Stahl nia sinza ne'ebé mak sei to'o mai iha Timor-Leste dia 15 dezembru, TLPU ho AJTL hakarak konvida jornalista sira hotu hodi konsentra iha Aeroportu Internasionál Prezidente Nicolao Lobato simu hodi  fó onra ba ita-nia grande jornalista Max Stahl”, afirma nia.

Tanba ne’e, jornalista timororan sira tenke kaer metin nafatin espiritu Max Stahl nian hodi luta ba Direitu umanu iha Timor-Leste. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items