Login to your account

Username *
Password *
Remember Me

PLP 'Defende' Adisionál Millaun U$2.3 Hadi'a Jestaun Lixu iha Dili

Deputadu Bankada Partidu Libertasaun Popular (PLP), Francisco de Vasconselhos. Deputadu Bankada Partidu Libertasaun Popular (PLP), Francisco de Vasconselhos. Foto Suplay

Tempotimor (Dili)-Deputadu Bankada Partidu Libertasaun Popular (PLP), Francisco de Vasconselhos defende proposta adisionál millaun US$2.3 ba Autoridade Munisípiu Dili hodi utiliza ba hadi'a jestaun lixu iha tinan 2022.

"Proposta 117, hanesan ohin ita diskute kona-ba oinsá ita jere kapitál Dili ne'e, proposta ida ne'e refleta, tanba Dili ne'e hanesan fatin ema barak nian, uma ves kuandu ema barak, problema mós barak, liliu jestaun lixu”, dehan nia iha debate espesialidade ba proposta lei Orsamentu Jeral Estadu (OJE) 2022 iha plenária PN, tersa (14/12).

Bankada PLP haree katak, sistema drainajen, no agua rezidu sira ne'e, presiza iha tratamentu ne’ebé extra, liliu autoridade Munisípiu Dili, tenke halo atendimentu ne'e extraordinária,  kompara ho Munisípiu sira seluk.

Husi Proposta adisionál ne'e sei aumenta orsamentu ba Autoridade Munisípiu Dili tanba bazeia ba informasaun husi audénsia públika ho Ministériu Administrasaun Estatal (MAE) inklui bolu mós ho autoridade Munisípiu Dili.

Tanba Dili ne'e hanesan Kapitál ida, no kuaze lina ministerial no líder sira barak mak tun ba hamoos, ida ne'e de'it sei labele jere ho di’ak.

"Problema lixu ne'e sai problema boot iha Munisípiu Dili. Tanba ne'e mak iha audénsia públiku husi MAE husu para iha aumenu ida, millaun US$2.3, tanba ema barak hodi jere lixu iha Dili laran inklui liseiru sira iha Tibar, ne'e presiza iha aumentu”, esplika nia.

Husi totál orsamentu adisionál ida ne'e sei halo konstrudsun ba reabilitasaun jestaun lixu iha tibar inklui fornese ekipamentu rekolla rezidu sira no oinsá mak halo konservasaun ba reparasaun iha sistema jestaun lixu iha Kapitál Dili. (*)

Rate this item
(0 votes)
Last modified on Tuesday, 14 December 2021 14:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter