"Refleta de'it situasaun ida ke nufin, entidade sira ne'e envolve iha dezenu orsamentu ne'e, la koiñese didi'ak terenu defeza ninian”, dehan Aderito iha nia intervensaun ba debate espesialidade OJE tinan 2022 nian, iha plenária PN, segunda (13/12).
Tanba ne'e, Bankada CNRT hakarak halo observasaun ida ba Primeiru Ministru (PM), Taur Matan Ruak, tanba iha karakak aprezentasaun orsamentu ba setór defeza ninian, la refleta ho situasaun defeza nian iha terenu.
Ba situasaun ne'e, deputadu CNRT hakarak rekomenda ba komite revizaun orsamentu politika se karik difísil atu asesu ba instalasaun militar atu nune'e koiñese didi’ak setór defeza, entaun bele buka maneira no rona netik idea husi Ministériu defeza, komandu, no se labele liu, entaun bele ba komisaun B, tanba sira hatene ho detalla situasaun iha terenu.
"Ha’u lakohi loke asuntu sira ne'e barak liu, maibé hakarak hatete dala ida tan, se atu pretende, koiñese setór ida ne'e ho di'ak, labele de'it KROP ko'a hanesan loos ministériu sira seluk”, afirma nia.
Husu mós ba Ministériu Defeza tenke tau atensaun sériu no hatene didi'ak kompononte sira-nia kondisaun, transporte, arma, inklui seluk tan. (*)