Print this page

FRETILIN 'Bandu' Filomeno Paixão 'Kahur' Asuntu Defeza iha Debate OJE 

Membru Parlamentu Nasionál sira tuir hela debate Orsamentu Jerál Eatadu iha plenária. Membru Parlamentu Nasionál sira tuir hela debate Orsamentu Jerál Eatadu iha plenária. Foto Suplay

Tempotimor (Dili)-Deputadu bankada Frente Revolusionáriu Timor-Leste no Independente  (FRETILIN), David Dias Ximenes "Mandati", bandu Ministru Defeza (MD), Filomeno da Paixão de Jesus atu kahur asuntu defeza ninian iha debate espesialidade ba proposta-lei Orsamentu Jerál Estadu (OJE) 2022.

"Favor ida, Essas Partes são questões estratégicas, não podem ser descute ja aqui, por favor, fazemos políticas públicas, não políticas Defesa e segurança, por favor”, dehan deputadu Mandati hodi korta intervesaun Ministru Defeza Filomeno Paixão nian iha plenária PN, segunda (13/12).

Tanba, agora dadaun ne'e plenária fó tempu atu halo diskusaun ba polítika administrasaun públika nian ho deputadu sira, no la'ós polítika Defeza no seguransa nian.

Prezidente Parlamentu Nasionál (PN), Aniceto Longuinhos Guterres Lopes hatete, Governu iha kompeténsia tomak atu ko'alia maibé presiza konsidera preokupasaun husi deputadu David Dias Ximenes "Mandati" kona-ba diskusaun OJE.

"Kompeténsia Governu nian atu ko’alia, maibé parese ke ita tenke konsidera distintu deputadu Mandati ninia preokupasaun”, hatete nia.

Tanba ne'e, liuhusi permisaun Primeiru Ministru, Taur Matan Ruak nian, atubele fó hanoin ba Ministru sira, karik atu halo esplikasaun ruma tenke responde diretamente de'it (to the point) ba preokupasaun saida mak levanta husi deputadu sira. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items