Login to your account

Username *
Password *
Remember Me

Lú Olo Preokupa Taxa Partisipasaun iha Eleisaun Prezidensiál 

Ministru Administrasaun Estatal (MAE), Miguel Pereira de Carvalho. Ministru Administrasaun Estatal (MAE), Miguel Pereira de Carvalho. Foto Suplay

Tempotimor (Dili)-Ministru Administrasaun Estatal (MAE), Miguel Pereira de Carvalho hatete, Prezidente Repúblika (PR), Francisco Guterres 'Lú Olo' preukupa tebes ho taxa partisipaun eleitór sira iha eleisaun Prezidensiál iha tinan 2022.

"Tanba iha eleisaun ikus liu iha 2018, paratisipasaun populasaun sira ne'e iha de'it pursentu 80.86, purvolta pursentu 19 eleitór sira mak la ba vota. Entaun Governu informa ba sua eselénsia Prezidente Repúblika katak, ita sei aumenta tan sentru votasaun no estasaun votu iha territóriu Timor-Leste tomak", dehan Ministru Miguel hafoin hasoru malu ho PR Lú Olo iha Palasíu Prezidensiál Bairopite, segunda (13/12).

Iha tinan 2018 Governu tau de'it sentru votasaun hamutuk 875, maibé  ba eleisaun Prezidensiál iha tinan 2022 nian, Governu sei aumenta tán sentru votasaun rihun 1.200. Purtantu aumenta porvolta de pursentu 27 husi sentru votasaun tinan 2018.

"Estasaun votu STAE mós propoin ona atu hasa'e husi mill 760 iha 2018 ba to'o iha mill 500 iha tinan 2022. Portantu um aumentu de pursentu 23 estasaun votu", esplika nia.

Ho ida nia objetivu prinsipal atu hakbesik liután sentru votasaun ba eleitór sira ne'ebé durante eleisaun ne'e la bele konsege ba to'o iha sentru votasaun.

"Liuhusi taxa paratisipasaun iha 2018 to'o de'it pursentu 80, portantu ami hakarak hasa'e tan taxa paratisipasaun eleitór sira tán ne'e, ami aumenta sentru vontasaun estasaun votu", afirma nia.

Maibé la'ós ida ne'e de'it, iha pandamia Covid-19 estratejia ida planu STAE nian atu garante ema la bele  halibur  barak liu iha estasaun votu sira mak,  ezatamente aumenta sentru votasaun sira.

"Sua eselénsia Prezidente Repúblika, haksolok tebes rona planu Governu nian ida ne'e”, dehan nia. (*)

Rate this item
(0 votes)
Last modified on Monday, 13 December 2021 14:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter