Login to your account

Username *
Password *
Remember Me

TL ho Indonézia Kontinua Hametin Relasaun Bilaterál iha Área Ekonomia

Prezedente Repúblika (PR), Francisco Guterres 'Lú Olo' simu hela Karta Kredensiál husi Embaixadór Indonézia mai Timor-Leste, Okto Dorinus Manik, segunda (13/12). Prezedente Repúblika (PR), Francisco Guterres 'Lú Olo' simu hela Karta Kredensiál husi Embaixadór Indonézia mai Timor-Leste, Okto Dorinus Manik, segunda (13/12). Foto Suplay

Tempotimor (Dili)-Ministra Negosiu Estranjeiru no Kooperasaun (MNEK), Adaljiza Magno hatete, Nasaun Timor-Leste ho Repúblika Indonézia sei kontinua servisu hamutuk hodi hametin relasaun bilaterál iha área ekonomia nian.

"Portantu iha reuniaun ne'e, sira hato'o kumprimentu husi Prezidente Repúblika Indonézia, Jokowi Widodo, nomós hato'o filafali komitmentu Indonézia nian para hodi hametin liután, kooperasaun bilaterál entre Indonézia ho Timor-Leste liliu iha área komersiu", dehan Ministra Adaljilza iha Palasíu Prezidensiál Bairopite, segunda (13/12).

Ministra rasik akompaña Prezidente Repúblika, Francisco Guterres ‘Lú Olo’, simu karta Kredensiál, husi Embaixadór Indonézia nian foun mai Timor-Leste, Okto Dorinus Manik, ne'ebé hanesan diaplomata kareira ba Ministériu Negosiu Estranjeiru Indonézia nian.

Tanba Timor-Leste nia relasaun Ekonómiku maka’as liu ho Indonézia, tanba Indonézia mak sasán barak liu hodi halo importassem mai Timor-Leste.

"Ko’alia mós asuntu seluk tan, ne'ebé kontente ho situasuan Covid-19 ne'ebé ita kontrola di'ak iha Timor laiha problema, Indonézia mós agora kontrola di'ak, espera katak ba oin ne'e ita bele servisu hamutuk hodi rezolve sasan sira ne'e hamutuk", dehan Ministra Adaljiza.

Enkuantu Embaixadór Indonézia foun ne'ebé mai iha Timor-Leste, Okto Dorinus Manik, sei hala'o nia mandatu ba tinan 3, maibé depende mós desizaun husi nasaun Indonézia, bele menus liu tinan 3 ka bele liu tinan 3.

"Prezidente kontente ho relasaun bilaterál Timor ho Repúblika Indonézia, nia hato'o kumprimentu ba Prezidente Jokowi Widodo, depois Prezidente hatete katak, nia kontente tebtebes ho relasaun Indonézia ho Timor ne'ebé agora iha, nia hakarak kontinua nafatin relasaun ne'ebé iha", afirma Adaljiza. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter