Login to your account

Username *
Password *
Remember Me

Governu Sei Aplika Letra Baraim ba Ema ho Defisiente Matan iha Eleisaun 

Reprezentante ema ho defisiensia matan, Lourdes Soares Martins Simoes Pinto. Reprezentante ema ho defisiensia matan, Lourdes Soares Martins Simoes Pinto. Foto Suplay

Tempotimor (Baukau)-Governu liuhusi Komisaun Nasionál  Eleisaun (CNE) no Sekrétariu Tekníku Administrasaun Eleitorál (STAE) deside aplika Letra Baraim iha hodi fasilita Ema ho Defisiensia iha eleisaun.

Reprezentante ema ho defisiensia matan, Lourdes Soares Martins Simoes Pinto hatete, iha períodu eleisaun tinan hirak liuba ema ho difisiensia matan asesu iha eleisaun laiha segredu ba vota, maibé dadaun ne'e Governu iha ona liuhusi CNE no STAE atu implementa letra baraim ba ema ho difisiensia matan sira atu asesu iha kada eleisaun atu ema labele hatene sira -nia votu.

"Se ida ne'e tebes duni ha'u sente kontente, tanba ida ne'e fasil ona mai ami atu ba vota karik dala ruma ema lahatene ona ami -nia segredu iha tempu eleisun, tanba dala barak ami defisiensia matan sira vota ema hatene de'it ami-nia segredu votu, maibé implementa ida ne'e ha'u agradese”, dehan Lourdes, iha nia kna’ar fatin, Baukau, domingu (12/12).

Nune'e Defisiensia matan, Sancho Correia mós  agradese ba CNE no STAE ne'ebé mak iha ona planu atu fasilita ema ho defisiensia matan atu partisipa iha eleisaun, maibé tenke kolabora liuhusi ajénsia sira ne'ebé mak tau matan ba ema ho defisiensia matan sira atu nune'e bele hetan treinamentu sedu molok eleisaun hahú.

"Durante ne'e ami aprende letra braim iha organizasaun RHTO (ra'es hadomi timor-oan) hanesan uza telefone iha fatin ruma karik ita bele hatudu nia modelu prezisa ékipamentus ha'at, briam text, ritflect, stailles no suratan braim”, informa nia.

Liuhusi treinamentu durante loron 10 nia laran ho ékipamentu 4 ne'e bele fasilita ona ema ho defisiensia mata partisipa iha eleisaun.

Responsabilidade ba Organizasaun Ra'es Hadomi Timor-Oan (RTHO), ba ema ho defisiensia Baukau Eliza Maria da Costa hatete, durante loron 10 ema ho defisiensia matan na'in-10 hetan ona treinamentu kona-ba letra braim oinsá atu partisipa iha tempu eleisaun.

"Treinamentu kona-ba letra braik ba ema ho defisiensia matan ne'e atu fó hanoin, nune'e to'o tempu eleisaun karik bolenti vota ne'e sei tau hotu letra braim para sira mós asesu di'ak”, katak nia.

Enkuantu ema ho defisiensia matan na'in-10 ne'ebé mak iha Munisípiu Baukau hetan treinamentu kona-ba letra braim feto na'in-2 mane na'in-8. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter