"Kona-ba programa Governu iha povu nia leet oras ne'e la'o kapás, no ohin loron bele sustentabilidade iha futuru tanba ami hari’i kedas ho sentru formasaun ba kada suku, entaun programa ne'e la'o di'ak tebes”, informa Ministru Francisco Jerónimo, bainhira atribui sertifikadu ba formandu sira husi Ceftec iha Delta Nova, sesta (10/12).
Programa Governu iha povu nia leet ne'e ba munisípiu hothotu, no dadaun ne'e hahú ho pilotajen entaun foin hari’i sentru formasaun hamutuk sanolu (10) iha suku 10, maibé suku lubuk ida mak iha ona prosesu laran no tinan oin sei hari’i tan sentru formasaun.
Tanba programa Governu iha povu nia leet, iha nia sub-programa ho atividade sira mak hanesan, kriasaun sentru informasaun suku rurál, ne'ebé dadaun ne'e estabelesidu ona, atu hari’i ka promove kriasaun biblioteka komunitária iha suku rurál, diálogu komunitária iha suku rurál,diálogu komunitáriu no vídeo konferénsia ho membru Governu sira atu responde ba preokupasaun sira. (*)