Login to your account

Username *
Password *
Remember Me

Atribuisaun Prémiu Direitu Umunu, Omenajn ba Saudozu Sergio Viera de Mello

PreZidente Repúblika, Francisco Guteres ‘Lú Olo’ entrega hela premiu ba manán na’in sira iha Palásiu Prezidensiál, sesta (10/13). PreZidente Repúblika, Francisco Guteres ‘Lú Olo’ entrega hela premiu ba manán na’in sira iha Palásiu Prezidensiál, sesta (10/13). Foto Suplay

Tempotimor (Dili)-Prezidente Repúblika (PR), Francisco Guterres 'Lú Olo' hatete, atribui prémiu Direitu umanu ba manán na'in sira haneaan omenajen ba saudozu Sergio Viera de Mello.

'Iha lóron importante ida ne’e, ita dedika espesialmente atribuisaun Prémiu Direitu Umanu hodi fó omenajen ba ema ida ne'ebé espesiál tebes ba Timor-Leste no fó an tomak ba kauza direitu umanu no paz saudozu Sérgio Vieira de Mello", dehan PR Lú Olo liuhusi diskursu iha Palasíu Prezidensiál Bairopite, sesta (10/12).

Presidente Repúblika, hakarak hatutan liután katak atribuisaun Premiu Direitu Umanu, Sérgio Viera de Mello hodi konsidera Sosiedade sira ne'ebé proteze no promove direitu umanu ba ema hotu, mak sira ne'ebé reziliente no sustentavel liu, no hamrik firme iha situasaun difísil sira ne'ebé la espera hanesan pandemia no impaktu sira husi situasaun oioin hanesan menus fasilidade no laiha kondisaun mínimu hodi hala'o servisu. 

Atu komemora loron ida ne'e mak tinan-tinan Prezidente Repúblika atribui Prémiu Direitu Umanu Sérgio Vieira de Mello ba kategória rua, Direitos Civis e Políticos ne'ebé konsidera sidadaun ka instituisaun/organizasaun ne'ebé promove, defende no divulga direitu umanu ne'ebé rekoñese iha mundu tomak iha ámbitu direitu sivíl no direitu polítiku nian.

Nnune’e, Ida seluk mak Direitos económicos, Sociais e Culturais, ne'ebé konsidera ema ka instituisaun/organizasaun ne'ebé hala'o atividade atu promove, defende no divulga direitus umanus iha área sosiál, direitu ekonómiku no direitu kulturál, liuliu kombate kiak, dezenvolve setór edukasaun, saúde, protesaun meiu-ambiente solidariedade no inkluzaun sosiál.

"Iha tinan ida ne'e, ita simu hamutuk kandidatu na'in ruanulu-resin-neen (26). Kandidatu na'in-hitu (07) husi kategória Direitos Civis e Políticos no kandidatu na'in-sanulu1resin-hitu (17) husi kategória Direito Económico, Social e Cultural", esplika nia.

Liuhusi prosesu selesaun, Konsellu Agrasiamentu no Ordem Onorífika halo verifikasaun ba kandidatura hotu, vizita kandidatu sira ne'ebé liu selesaun dokumentasaun nian, entrevista sira ho sira-nian proponente, no komunidade sira, akompaña sira-nia servisu to’o ikus selesiona kandidatu na'in-neen (6), indivídu na'in-rua (2) no organizasaun naun-governamental ida (1), no grupu orfanatu ida nu'udar manán-na’in ba Prémiu Direitus Umanus Sérgio Vieira de Mello ba tinan 2021.

Maibé kategória direitus civis e politico laiha ida mak selesionadu tanba la prienxe kriteriu inklui mós, na’in-rua (2) husi kategória Direito Economico, Social no Cultural.

Nune'e iha tinan ida-ne'e Premiu Direitus Umanus, Sergio Viera de Mello atiribui de'it ba katerogia ida mak Direitos Sociais, Económicos e Culturais manan-nain sira mak Alexandre Rosa Bruno Sarmento, husi Laklubar, Soibada, Paulina da Costa Soares, husi Uatolari, Vikeké, Dominikana Bidau, Dili, no Casa Vida Centru de Cuidadu á Criança, Dili.

"Parabéns ba manán-naín sira, Prezidente Repúblika haksolok ho imi-nia prezensa iha serimónia ida ne'e hodi simu Prémiu ne'ebé imi foin manán no liliu, ita hotu bele koñese di'ak liután imi-nia atividade no rekoñese imi-nia servisu no valór no impaktu ne'ebé imi iha hametin fundamentu sira Direitus Umanu iha ita-nia Rain", dehan nia. ( *)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter