"Nune'e Orsamentu jerál estadu ba Ministériu Asuntu Parlamentár no Komunikasaun Sosiál (MAPKomS) pasa”, deklara Prezidente PN, Aniceto Longuinhos Guterres Lopes, plenária PN, tersa (07/12).
Iha OJE 2022, MAPKomS prevee US$9,066,076 ne'ebé aloka ba saláriu vensimentu US$942,052, bens servisu US$3,498,425, kapitál menor US$115,777, kapitál dezenvolvimentu US$2,000,000 no transferénsia públika US$2,509,822, hodi finansia programa rua (2), sub-programa haat (4) no atividade ruanulu (20).
Programa prioridade MAPKomS nia mak hanesan iha programa ho kódigu 439, garante liberdade espresaun no asesu informasaun sei gasta US$6,348,644 no programa ho kódigu 510, boa governasaun no jestaun institusional sei gasta US$2,716,431.
Programa garante liberdade espresaun no asesu informasaun ho objetivu mediu prazu aumenta númeru populasaun ezerse no espresa sira-nia opiniaun ba Governu kona-ba asuntu governasaun, dezenvolmentu no asuntu importánte.
Ninia sub-programa, diseminasaun informasaun kona-ba asaun governativa no programa dezenvolvimentu, ho nia atividade peskiza index públiku asesu meiu komunikasaun Sosiál, fortalese servisu Komunikasaun Sosiál no Informasaun Governu, disemina informasaun programa Governu no dezenvolvimentu ba públiku iha nível nasionál, munisipal no komunitária.
Nune'e mós atividade Governu no meiu komunidade (Governu iha povu nia leet "Naroman ba Suku"). (*)
