Print this page

Taur Fiar OJE 2022 Oportunidade Hasa’e Investimentu 

By December 04, 2021 1316
Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Díli)-Primeiru Ministru (PM), Taur Matan Ruak hatete, nia parte fiar  Orsamentu Jerál Eatadu (2022) ho montante billaun US$1.6 ne’ebé aprova ona iha jeneralidade hanesan oportunidade hasa’e investimentu iha rai laran.

"Oportunidade ida atu hasa’e investimentu iha kapitál sosiál, edukasaun, formasaun profisionál, saúde, hela fatin no iha inkluzaun sosiál, hodi tau sidadaun iha sentru atividade governativa”, dehan 

Taur Matan Ruak iha enserramentu debate Jeneralidade ba OJE 2022 iha Parlamentu Nasionál, sesta (03/12).

Nune'e Taut garante liuhusi aprovasaun sira komesak hala'o servisu reajustamentu ba Planu Estratéjiku Dezenvolvimentu Nasionál (PEDN).

"Ami fiat katak Lei Orsamentu ida ne’e, nu’udar oportunidade ida ne’ebé loloos hodi dudu implementasaun linha boot sira no vizaun Programa Governu nian, iha momentu importante ida ne’e ami komesa ona hala’o servisu reajustamentu ba Planu Estratéjiku Dezenvolvimentu Nasionál nian no ami reafirma ami-nia kompromisu sira ba Implementasaun Roteiru husi Objetivu Dezenvolvimentu Sustentavel sira”, afirma nia.

Dezafiu sira ne’ebé mak tenke mobiliza ba sidadaun sira hotu no país tomak, hodi kontribui ativamente ba esforsu Governu nian, kombate Pandemia Covid-19, protesaun sidadaun sira, rekuperasaun atividade ekonómika no empregu no ba rekuperasaun ekonómika no sosiál país nian ne’ebé efetivu, hodi filafali ba ritmu kreximentu no dezenvolvimentu ne’ebé di’ak molok krize ne’e.

Tanba ne’e, oportunidade ida hodi investe liután iha setór produtivu sira, iha agrikultura no iha turizmu sustentável no ambientál, hodi hetan benefísiu husi investimentu ne’ebé mak país realiza iha rede infraestruturas públika no iha konekividade sira. 

Ho oportunidade sira ne’e sei kontribui ba sustentabilidade iha finansa públika liuhusi diversifikasaun ekonómika, reforsu setór privadu, aposta iha dezenvolvimentu rurál no renova kompromisu ba boa governasaun, hodi dezenvolve administrasaun públika ida ne’ebé transparente, efikás, efisiente liután, laiha desperdísiu no burokrasia no Governu ne’ebé Eletróniku liután.

“Ne’e di’ak hodi verifika katak, Senhora Deputada no Senhór Deputadu sira, iha ona oportunidade hodi bolu atensaun ba Governu ba aspetu oioin ’ne'ebé, tuir imi-nia entendimentu, tenke tetu ka korrije redasaun hosi proposta ne’ebé sei iha hela apresiasaun”, hatete nia.

Maske nune’e, presiza hanoin katak elaborasaun proposta OGE ba tinan 2022, la’o ona iha situasaun ne’ebé mak difísil tebes tanba efeitu aat husi prolongamentu Pandemia, sai gravé ho rejistu husi situasaun kalamidade no dezastre naturál sira ne’ebé akontese iha iha semestre dahuluk tinan2021. 

"Ha’u hakarak agradese ba Senhora no Senhor Deputadu sira hotu, ba imi-nia partisipasaun séria, konstrutiva no empeñada durante loron tolu debate iha jeneralidade, ne’ebé ita liu ona”, agradese nia.

Governu mós iha vontade ne’ebé firme hodi kontinua servisu ho Parlamentu Nasionál, iha debate espesialidade hodi alkansa konsensu nesesáriu sira atu nune’e alterasaun sira ne’e atu introdús bele fó kualidade ne’ebé di’ak liu iha versaun ikus proposta Lei ne’e. 

Tanba hamutuk bele hetan solusaun sira ne’ebé adekuada no nesesária liu, hodi hahú fali ho lais iha dalan foun ba kreximentu ekonómiku ne’ebé bele fó resposta konkreta no solidária hodi hasa’e Povu nia kondisaun moris no dezenvolvimentu sustentável iha rai laran. (*)

Rate this item
(2 votes)
Last modified on Saturday, 04 December 2021 10:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items