Login to your account

Username *
Password *
Remember Me

CNRT 'Lakohi' José Reis Fò Kulpa ba Governasaun Xanana

Deputada CNRT, Vergina Ana Belo. Deputada CNRT, Vergina Ana Belo. Foto Suplay

Tempotimor (Dili)-Bankada Congresso Nacionál de Reconstrução de Timor (CNRT) lakohi Vise-Primeiru Ministru (PM),’José Reis koko fo kulpa fali ba governasaun Xanana Gusmão kona-ba problema dezenvolvimentu sosiál iha rai laran.

"Señor José Reis fó razaun katak akumulasaun problema sira iha Governu anterior nian ne’e Governu de Faktu mak oras ne’e assume hela. Deklarasaun ida ne’e hatudu situasaun tolu”, dehan Deputada CNRT, Vergina Ana Belo, iha PN, sesta (03/12).

Iha deklarasaun Vise-PM José Reis hatete, Governu daulu hanesan karreta karik atu tama ona “rai kuak” nu’udar akumulasaun problema sira iha pasadu.

Bankada CNRT haree katak, Vise-PM ne’e la esplika estratéjia oinsá mak Kondutór ne'e bele halai sés husi rai kuak. Pior liu mak kondutór ne’e hatene hela katak karreta atu tama rai kuak, nia ba hadau volante, kondutór ne’e buat ruma sala iha nia ulun ka Kanten Poder.

Maibé, felismente CNRT nota Governu daualu kontinua fó kulpa ba Governu anterior sira, tan de'it asegura Governu atual nia inkapasidade atu responde ba Estadu nia situasaun.

Tanba desde mandatu Governu daualu deside foti ona osan besik liu Biliaun US$6 maibé nein hatudu dezenvolvimentu fiziku iha rai laran, enkuantu Governu nia servisu mak sobu sistema no harahun memoria instituisional iha ministériu sira, no ikus mai difikulta rasik sira-nia Governu atu fornese servisu ba povu Timor-Leste. 

Bankada CNRT sente katak intensaun Vise-PM José Reis klaru, hatudu ninia inkompenténsia rasik ba públiku tanba instituisaun sira ne’ebé nia lidera hatudu ezekusaun orsamentu mukit tebes. 

"Por ezemplu Fundu Infraestrutura foin mak ezekuta 17%. Ho dalan ida ne’e de’it mak bele ses husi responsabilidade ukun, tanba la halo buat ida. Nune’e, ami la hakfodak governante ne’e agora hatene de’it mak fó sala ba Governu anterior”, afirma nia.

Iha tinan 10 kotuk, bainhira mosu kalamidade ne’ebé afeta povu nia moris, maibé Governu anterior konsege responde ho di’ak.

Purtantu iha Governu daualu nia mandatu labele rezolve kalamidade tinan rua tutuir malu, tanba Governu laiha kapasidade no laiha esperiénsia atu Governa.

"Sorti… Maun Boot Kay Rala Xanana Gusmão halo intervensaun direitamente hodi hakuran netik populasaun ninia sofrimentu (kazu iha Bidau no Tasi Tolu)”, afirma nia.

Maske Governu daualua ne'e lidera husi partidu PLP-KHUNTO no viabiliza husi FRETILIN ne’ebé kaer hela ministériu sira “preokupa liu” ho asuntu ezenora no fahe ukun-ba-malu hodi transforma instituisaun Governu nian sai fali sede ba partidu.

"Tanba ne’e mak labele rezolve situasaun maibé buka atu fó kulpa ba Governu anterior sira”, dehan nia. (*)

Rate this item
(2 votes)
Last modified on Saturday, 04 December 2021 09:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter