Print this page

Espoza PR Simu Apoiu Umanitária Husi Grupu FIAR

By December 03, 2021 581
Líder rganizasaun Grupu Feto Iha Asaun Real (FIAR), Angela Corvêlo Sarmento entrega apoiu umanitária ba Espoza Prezidente Repúblika, Cidália Nobre Guterres iha Palasíu Prezidensiál Bairopite, kinta (02/12). Líder rganizasaun Grupu Feto Iha Asaun Real (FIAR), Angela Corvêlo Sarmento entrega apoiu umanitária ba Espoza Prezidente Repúblika, Cidália Nobre Guterres iha Palasíu Prezidensiál Bairopite, kinta (02/12). Foto Tempo Timor

Tempotimor (Dili)-Espoza Prezidente Repúblika, Cidália Nobre Guterres, simu apoiu umanitaria husi grupu FIAR (Feto Iha Asaun Real).

"Ohin ami husi gabinete ne'e nian, simu tan apoiu husi organizasaun grupu FIAR, ne'ebé mak apoiu husi maluk sira iha rai liur, nomós liuhusi organizsaun grupu Sri Chinmoy", dehan espoza PR iha Palasíu Prezidensiál Bairopite, kinta (02/12).

Apoiu hirak ne'e sei uza hodi hatan ba situsaun ne'ebé mak komunidade afeitadu ba inundasaun, insendu, fó apoiu ba uma mahon vítama sira ne'ebé bazeia ba jeneru, nomós ba grupu balun ne'ebé mak presiza.

Líder Organizasaun Grupu Feto iha Asaun Real (FIAR), Angela Corvêlo Sarmento hatete, apoiu umanitaria ba primeira dama mak hanesan kamiza, kalsa, roupa interiór ne'ebé sira hetan doasaun husi Japaun, Nova Iorke nomós husi kolega sira seluk.

"Ami entrega ona ba primeira dama ho objetivu ida katak, primeira dama, gabinete ida ne'e, bele ajuda hatutan doasaun husi laran luak sira, husi maluk sira ne'ebé mak iha simpatía ba v’itima no povu terus nain ida ne'e”, dehan nia.

Maske apoiu ki’ikoan ida, oituan de'it, maibé fiar katak, komunidade barak sei presiza, no husu nafatin iha tempu dezastre.

“Tanba ne'e, ami konvida maluk sira ho laran luak hakarak apoiu komunidade, loke neon, loke laran ami prontu atu hatutan ita-boot sira-nia karidade, ita-boot sira-nian laran luak", afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items