Print this page
Politika

Traballadór Na'in-3 iha Austrália Deside Fila Mai TL

By December 02, 2021 6686
Traballador na'in-tolu ne'ebé simu husi Sekretáriu Estadu Formasaun Profisionál no Empregu (SEFOPE) liuhusi Diresaun Nasionál Empregu Exteriór (DNEE), iha Aeroportu Internasionál Nicolao Lobato-Komoro, loron kinta (02/12). Traballador na'in-tolu ne'ebé simu husi Sekretáriu Estadu Formasaun Profisionál no Empregu (SEFOPE) liuhusi Diresaun Nasionál Empregu Exteriór (DNEE), iha Aeroportu Internasionál Nicolao Lobato-Komoro, loron kinta (02/12). Foto Suplay

Tempotimor (Dili)-Traballadór Timoroan na’in-tolu (3) iha Austrália, loron kinta (02/12), deside fila mai Timor-Leste (TL), tanba saudade família sira.

Traballadór sira ne’e, simu husi Sekretáriadu Estadu Formasaun Profisionál no Empregu (SEFOPE) liuhusi Diresaun Nasionál Empregu Exteriór (DNEE) iha Aeroportu Internasionál Prezidente Nicolao Lobato-Komoro.

Purtantu Traballadór na'in-3 ne’e to'o iha Timor-Leste, iha loron 02 fulan-dezembru tinan 2021, ho aviaun Qantas Airline, ne’ebé simu direta husi ekipa Diresaun Nasionál Empregu Exteriór.

Timoroan Na'in-3 ne'e hala'o servisu iha kompaña Hashpen Labour Hire, no ADCO-job Shop iha Austrália, liu-husi programa SWP (Seasonal working Program) tinan 2020.

Ho ida ne'e  tuir planu, ekipa DNEE sei koopera ho Ministériu Saúde ni’an hodi haruka traballadór hirak ne’e ba halo autokuarantena iha uma, tanbá traballadór na’in-tolu ne’e, kompleta ona vasinasaun kontra Covid-19. (*)

Rate this item
(5 votes)
Last modified on Thursday, 02 December 2021 12:22
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items