“La'e agora dadauk sira rua (Lú Olo ho Lere) hatete iha fatin-fatin, mais agora seidauk iha desizaun ne'e”, dehan nia iha Parlamentu Nasional (PN), segunda (29/11).
Maske Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur, deklara ona prontu avansa hanesan kandidatura husi Partidu Fretilin hodi kompete iha Eleisaun, inklui mós Prezidente Repúblika, Francisco Guterres 'Lú Olo' mós ko’alia, nia parte prontu rekandidata ba Prezidente Repúblika iha períodu 2022-2027, bainhira povu tomak fó konfiansa.
Maibé ne'e kabe ba ema na'in-rua ne'e, tanba iha figura mós hatete dehan Lere ho Lú Olo, mesak lider istóriku hotu, tanba ne'e partidu sei fó hanoin sé mak atu avansa ba oin sai hanesan kandidatura ne’ebé Partidu Fretilin apoiu.
Tanba ema ne'ebé atu kandidatu ba Prezidente Republika ne'e tenke hatene tau importansia asegura Estadu ba oin.
Purtantu ko’alia konaba tula liman, ida ne'e CCF hanoin demokrásia ne'e labele ba tula liman de'it, tanba atu hetan ka la hetan ne'e depende povu mak hili.
Mesmu dadauk líder balun iha influénsia ida-idak nia hatete balun tuir, no balun la’e.
Ho ida ne'e, FRETILIN fiar katak maske líder balun ba infulénsia maibé la siknifika ema hothotu atu tuir hotu nia.
"Ne'e demokrasia mak ne'e, ne'e povu nia aspirasaun mak determina, agora povu atu vota ba se, vota ba partidu ida ne'ebé, fiar ba ida ne'ebé, depende povu”, afirma nia. (*)