"Kondekorasaun ne'e bele atu simu, tanba ne'e direitu ida, maibé simu de'it medalia ne'e sente la to'o, uma laran sei la to'o, agora ema oportunista sira simu osan barak, ami mak ba fali kotuk oportunista mak ba fali oin ami sente la du'un furak”, dehan nia hafoin simu kondekorasaun husi Presidente Repúblika, Fransisco Guterres ‘Lú Olo’, iha Darsula, Baukau, l domingu (28/11).

Bainhira iha funu laran hamutuk ho komandate sira iha oin hodi hasoru inimigu, maibé iha tempu uluk-an, tau ba kotuk hodi oportunista sira iha oin hodi manán liu fali osan.

Rekordasaun ne'ebé mak Estadu fó hanesan memoria de'it ba jerasaun sira, maibé osan ne'ebé mak hanesan veteranu iha direitu atu simu pensaun kada fulan la hanesan ho saláriu oportunista balun ne'ebé mak kada fulan simu.

Ho ida ne'e nia husu ba Governante sira atu muda lei ba veteranu sira, tanba lei ne'e rasik sira mak funda antes sei iha ailaran to'o mai faze ukun-an mak foin sira implementa de'it.

"Dehan sira mak halo lei, sira bosok teen hotu, sira mesak bosok teen de'it mak tama iha Parlamentu ne'eba", hatete nia.

Nune'e, António Pereira "Oan Timur", nia parte sente orgullu tanba Prezidente Repúblika bele hanoin hikas fali ona funu na'in sira ne'ebé sei moris, hodi fó medalia kondekorasaun ba grau 15 a 19.

Maibé antes atu simu kondekorasaun husi PR mós iha loron 27 veteranu sira halo reuniaun ho PR ko'alia kona-ba direitu ne'ebé estadu oferese la dauk sufisiente.

"Na'in-ulun sira tau interese importante mai ami, tanba ho ami-nia vida tomak salva povu salva timor ita hetan demokrasia", afirma nia.

Maibé to'o ohin loron veteranu balun sei iha difikuldade laran, tanba pensaun ne'ebé mak iha seidauk sufisiente. (*)