Tuir observasaun jornalista www.tempotimor.com iha terrenu nota katak, Komisaun sira la kria fatin ba Jornalista maibé haruka hamrik de'it iha loron manas atu foti diskursu no imajen.

Tanba ne’e, Donanciano Magalhães lamenta hodi hatete, iha komemorasaun tinan hirak liuba Komisaun prepara fatin hodi fasilita jornalista sira bele asesu Iha komemorasaun, maibe iha tinan 2021 ne’e la hanoin ida ne’e.

"Iha ne'e la kria fatin ka kondisaun ba ita jornalista sira, maibé ha'u akompaña iha Munisípiu Likisá iha tinan kotuk, hodi foti informasaun ho kontente, maibé iha Baukau fó fatin de'it ba Jornalista husi Rádiu Televizaun Timor-Leste (RTTL) hodi foti imajen no voice, ne'e diskrimina boot", dehan Donanciano iha Darsula, Baukau, domingu (28/11).

Iha Tinan 2020 Komerasaun loron Nasionál iha Munisípiu Likisá kria fatin ba Jornalista sira hodi foti informasaun ho livre la hanesan tinan 2021 ne’e.

"Iha tinan kotuk, ami iha Likisá ema kria ona fatin ba Jornalista sira hodi kobertura tanba sira kria ona areadore ba ita mídia sira maibé iha ne'e lae”, afirma nia.

Komemorasaun Loron 28 Novembru ne’e hetan partisipasaun másimu husi entidade relevante sira hanutuk ho konunidade sira ne’ebé hela iha Munisípiu Baukau no sira seluk. (*)