"Ha'u hanoin importante ida mak atu solusiona problema sosiál tenke tau orsamemtu ne'ebé mak boot liu, ita bele iha ideia ne'ebé mak furak, bele iha kapasidade, grau to'o iha ne'ebé, maibé sem iha orsamemtu ne'ebé mak di'ak ha'u hanoin imposível atu rezolve problema sosiál sira”, dehan Camilo Ximenes de Almeida iha Kampus Fakuldade Siénsia Sosiál, kinta (25/11).

Tanba problema inundasaun akontese iha Munisípiu Dili, Loron 4 fulan-abríl liu to'o agora seidauk rezolve tanba problema orsamemtu ne'ebé aloka ba problema refere.

"Situasaun iha Dili la'ós hanesan tinan ida 20 ka 30 ba kotuk ne'e, tanba ne'e presiza Governu tau atensaun maka'as liliu tau netik suporta osan ruma, hodi nune'e ba futuru ne'e bele sai di'ak”, esplika nia.

Tanba atu sai sasukat ida solusiona problema ruma iha nasaun ida nia laran presiza iha orsamemtu ne'ebé sufisiente.

Mezmu matenek barak ne'ebé hamosu ideia furak maibé laiha orsamemtu sei la solusiona problema sosiál sira iha Timor-Leste. (*)