Horta ‘Lakohi’ Ansi Deklara-an Kompete iha Eleisaun Prezidensiál 

Premiadu Nobel da Paz, José Manuel Ramos Horta. Premiadu Nobel da Paz, José Manuel Ramos Horta. Foto Suplay

Tempotimor (Díli)-Premiadu Nobel da Paz, José Manuel Ramos Horta hatete, nia parte lakohi ansi deklara-an hodi kompete iha eleisaun Prezidensiál tinan 2022, tanba sei hanoin didi’ak.

"Ha'u seidauk halo desizaun atu kandidata-an ba Prezidente Repúblika, bele kandidatu ou lae karik, ha'u sei hanoin didi’ak ha'u la ansi, la preokupadu sei iha kandidatu ne'ebé di'ak liután, sira rasik seidauk hatudu-an”, dehan Ramos Horta ba jornalista sira iha Universidade Timor Lorosa'e (UNTL) hafoin sai oradór ba semináriu komemorasaun 28 de Novembru Loron Proklamasaun Independénsia ba dala-46, Kinta (25/11).

Alende ne'e nia parte mós seidauk simu informasaun husi Prezidente Partidu CNRT, Kay Rala Xanana Gusmão, atu tula liman ba nia hodi kandidatu.

"Ha'u seidauk rona informasaun direita husi Maun Xanana atu tula liman mai ha'u no apoiu ha'u ba nia kandudatura iha Eleisaun Prezidensiál tinan oin ne'e", informa nia.

Maibé, karik Xanana Gusmão mak tula liman ba nia, ka partidu CNRT mak husu atu kandidatu, nia parte sei haree didi'ak no tetu didi'ak mak foin bele foti desizaun.

Alende ne'e Akademista Husi Universidade Nasionál Timor Lorosa'e (UNTL) Decano Fakuldade Siénsia Sosiais, Camilo Ximenes de Almeida hatete, nia parte la dúvida bainhira Ramos Horta kandidata-an ba Prezidente Repúblika.

"Iha ha'u-nia oklu, ha'u la dúvida tanba nia ema ida ne’ebé mak iha koñesimentu di'ak nune'e nia mós konsege rezolve problema nasionál hanesan krize iha tinan 2006, tanba ne'e ha'u laiha dúvida ba nia”, dehan Camilo. (*)

Rate this item
(1 Vote)
Last modified on Thursday, 25 November 2021 13:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter