UDT Deskonfia Funsionáriu Komisaun Omenajen Sai ‘Autór’ ba Veteranu Falsu 

Tempotimor (Dili)-Deputadu Bankada Uniaun Demokráriku Timorense (UDT) iha Parlamentu Nasionál (PN) Francisco David Xavier do Carlos, deskonfia funsionáriu komisaun omenajen sai autór hodi falsifika dokumentu ba veteranu falsu rihunrua-ualunulu-resin-ualu (2.088).

"Ha’u rekomenda ba Ministru asuntu veteranu nian tenke ser haree ida ne'e, e nia kompetensia tomak ba check ho didi’ak ba buat sira ne'e, investiga didi’ak ema ne’ebé servisu iha komisaun omenajen, tanba talves sira rasik mak fasilita”, dehan nia iha PN, kuarta (24/11).

Bankada UDT haree katak krime falsifikasaun dokumentu ne'ebé pesoál hirak ne'e komete tenke investiga hodi prosesu sira, maibé tenke investiga mós ema sira ne’ebé servisu iha komisaun omenajen.

Nu’udar sobrevivente ida husi Masakre Santa Cruz, simu informasaun katak, veteranu falsu ne'e mosu, tanba ema sira ne’ebé servisu iha komisaun omenajen rasik mak fasilita.

Tanba asuntu veteranu ne'e, kuandu rona deklarasaun Primeiru Ministru, Taur Matan Ruak nian iha ai-laran, nia hatete veteranu rejisténsia durante funu to'o iha tinan 1989, kuaze hela atus 600 pesoál hanesan ne'e, maibé agora veteranu kuaze rihun-200.

Haree husi ida ne'e hatudu ona sentidu ida katak veteranu falsu iha duni, tanba falta kontrolu husi komisaun omenajen.

"Talves (dalaruma) sira iha akordu katak, bainhira imi simu ba, metade ba imi metade ba ami, pois fula-fulan mak imi simu, ida ne'e mak akontese”, dehan nia.

Iha ne'e, hanesan mós sobrevivente ida, ne’ebé akompaña hela situasaun, no haree katak iha tempu ne'ebá veteranu oitaun de'it.

"Se iha tempu ne'eba luta ho Indonézia, mak veteranu 250 ou 300 mil veteranu, ita duni inimigu ne'e la'ós tiru-malu, ho sukaer sanak baku inimigu halai de'it, ne'e ga. Tanba 250 mil veteranu ou 300 mil veteranu, barak teb-tebes, ne'e labele tanba o hodi supremi falun oan ida de'it entrega tuir ema hodi tun ba de'it mós  dehan o veteranu”, hatete nia.

Tanba gerilleiru no veteranu ne’ebé luta desde 1975, mak hanesan Lere, Taur desde 75 no L7, nomós iha tinan-1983, kazu Kararas, tropas barak mas halo iha laran provolta kontra fali tanba Indonézia nia atetude, ida ne'e konsideradu veteranu.

"Mais ho 250 mil ho 300 mil veteranu ne'e veteranu falsu mak barak”, dehan nia.

Dadauk ne'e, Governu liuhusi Ministériu Asuntu Kombatente Libertasaun Nasional (MAKLN) no Sekretáriu Estadu Antigu Kombatente Libertasun Nasional (SEAKLN) konsege deteta ona veteranu falsu liu 2000-resin ne’ebé mak hapara ona sira-nia pensaun. (*)

Rate this item
(1 Vote)
Last modified on Wednesday, 24 November 2021 23:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter