"Bom, proposta adisionál, depende kuandu iha prioridade, e laiha prioridade ne'e proposta adisionál mós laiha”, dehan Prezidente Komisaun B, José Agustinho Siqueira "Somotxo Matar Mimiraka", ba www.tempotimor.com iha PN, tersa (23/11).
Tanba ko'alia kona-ba OJE 2022, Governu dehan ne'e proibidu no karik iha proposta adisionál ba mós sei la liu.
"Ne'e uluk kedas sira ko'a iha ne'ebá. Ne'ebé orsamentu ida ne'e, Governu ninia polítika tinan ida ne'e laiha adisionál”, hatete nia.
Purtantu iha loron 4 fulano-novembru komisaun B deside hala'o audénsia públika ho Sekretariadu Estadu Protesaun Sivíl (SEPS) liuhusi Autoridade Protesaun Sivíl (APS), Diresaun Jerál Protesaun Sivíl (DJPS), Komandante Jerál PNTL no Sentru Formasaun Polísia (SFP).
Nune'e mós audénsia ho Ministériu Interior (MI), Servisu Migrasaun (SM), Servisu Nasionál Interlijensia (SNI), Konsellu Delimitasaun Definitiva ba Fronteira Marítima (KDDFM), no Institutu Defeza Nasionál (IDN), G7+, Xefe Estadu Maiór Jeneral Forsa Armada, no Ministériu Defeza (MD), Inklui Ministériu Negosiu estranjeiru no kooperasaun.
Durante audénsia públika ho instituisaun hirak ne'e, komisaun B mós simu preokupasaun proposta adisionál balun ne’ebé aprezenta husi instituisaun hirak ne'e. (*)
