"Preparasaun ba eleisaun la'o di'ak tebes, iha tempu ida agora dadaun ne’e orgaun administrasaun Eleitorál, tantu Sekretariadu Tékniku Administrasaun Eleitorál (STAE), Komisaun Nasional Eleisaun (CNE) nomós atualizasaun baze de dadus iha rai laran, iha rai liur ke sei termina iha 14 janeiru tinan oin", dehan Ministru Administrasaun Estatal, Miguel Pereira De Carvalho, hafoin hasoru malu ho Prezidente Repúblika Francisco Guterres ‘Lú Olo’, iha Palásiu Prezidensiál Bairopite, segunda (22/11).
Enkuantu rejista eleitór foun balun no atualiza mós ema eleitór lubun ida, e STAE orgaun ne’ebé mak hanesan ezekuta eleisaun ne’e, halo ona preparativu lojístiku barak tebtebes atu garante eleisaun Prezidensiál ne’e bele realiza iha tinan 2021.
"Kompra ekipamentu sira, rekrutamentu brigada hamutuk rihun-ida-atusrua, no planu atu rekruta ofisiál eleitorál sira’’, hatete nia.
Iha fulan-janeiru bele hato’o ona proposta diskusaun ho Xefe Estadu, konvida orgaun soberania sira kona-ba preparativu sira no Xefe Estadu rasik mak sei termina kalendáriu eleisaun ne’e rasik.
Entretantu tuir baze dadus nian antes ne’e iha territóriu nasional rejista ona eleitór hamutuk 846.352, maibé iha resenseamentu eleitorál atualizasaun baze dadus to’o fulan-jullu tinan ne’e rejista eleitór foun hamutuk 5,124. (*)