Prezidente Komisaun instaladora OPJLATIL, Vasco Kriadu hatete, konferensia atu organiza liuhusi reativa organizasaun OPJLATIL hamutuk ho estadu no governu ba estabilidade dezenvolvimentu ba nasaun Timor-Leste nian.

"Se la organiza ita nia aan, ita sei mout hela ema seluk mak sei aproveita situasaun ga istoria funu nian hodi dehan katak nia mak di'ak, tanba ne'e mak ita tenke hamutuk ", dehan nia iha salaun apuramentu vila nova Baukau, domingu (21/11).

Nune'e, Tenente Koronel, Guido Oliveira hatete, konferensia ne'e importante tebes ba tempu naruk nia laran hahú husi tempu okupasaun to'o mai tinan 2021, tanba ne'e, liuhusi konferensia hanoin hikas fali ba pasadu sai motivadór ba foinsa'e sira atu lori nasaun Timor-Leste ba futuru ne'ebé di'ak.

"Ohin ita hamnasa, tempu kotuk ba ita la hamnasa, tempu kotuk liu ba ita buka malu difisil, ema atu servisu hamutuk ho ita difisil, maibé iha hamnasa nia laran, oinsa ita kontribui ita nia ideia ba dezenvolvimentu", nia dehan

Sorin seluk, komisaun organizadora, Paulino Pereira da Costa Correia hatete, atu reorganiza fali, tanba durante tinan-19 nia laran superiór sira husi organizasaun iha preukupasaun barak.

"Kada Munisípiu ida reprezenta ema na'in-15 hanesan delegadu direitu atu votus i atu kandidatu ba lidera rejiaun um nian, tuir estatutu ne'ebé elabora kadidatura eleitu to'o peridu tinan-5", katak paulino

Entretantu partisipa iha konferensia ne'e mai husi Munisípiu Vikeke, Lautem, Manatutu no Baukau hamutuk ema na'in-60. (*)