Haree ba problema ne’ebé komunidade hasoru iha Munisípiu labarik estudante sira tur iha rai mai husi Governu uluk eskola hanesan iha Suai-Covalima horibainhira Prezidente Republika halo Vijita identifika estudante sira laiha kadeira atu utiliza Ba tuir prosesu aprendizajen mak Xefe Estadu deside hodi fó apoiu kadeira ne’ebé presiza.
“Mais ne'e la'ós Governu ida ne'e mak la rezolve, Governu ida ne'e nia kumprimisiu seriu duni, buat sira ne'e hotu akontese antes tiha ona hodi Governu ne'e mai tan, dalaruma ita-nia maluk sira la komprende dehan katak Governu ida ne'e mak la halo, la’e, buat ne'e la halo kedas husi ne'ebá mak mai, ne'ebé agora mak foin ita haree katak atu fó solusaun ba problema, ita lalika fó sala ba malu, maibé ita hotu hamutuk atu fó solusaun ba problema sira ne'e hotu", dehan PR Lú Olo ba komunidade sira ne'ebé partisipa diálogu iha Salaun Parokia, Ainaro, sesta (19/11).
Tanba ne’e, eskola tenke di'ak, la bele tau hamutuk labarika sira 30 to’o 40 iha sala ida, klaru profesór laiha kapasidade atu hanorin estudante 30 dala-1 de'it.
Presiza mós haree kondisaun fizika sira seluk hanesan kadeira, meza ba profesór sira tenke iha kondisaun ida ne'e tenke halo atu estudante sira, profesór sira bele iha dispozisaun atubele hanorin.
Edukasaun importante mak tenke investe labarik sira, nune'e mós alimentasaun tenke di'ak ba estudante sira, no inan-aman rasik tenke prepara hahán ne'ebé di'ak kualidade ba oan sira bele hán hodi bele sira-nia hanoin matenek.
"Ita presiza investe iha área edukasaun nian e buat seluk tan ha'u hakarak hatete liu ita-nia asosiasaun dos Pais labarik sira-nian ida ne'e importante, inan-aman nafatin tenke kria nia oan eskola iha ne'ebé inan-aman tenke iha ne'ebá ho profesór sira ne'e pelumenus hasoru malu kada fulan ida dala ida ka dala rua atu inan-aman akompaña nia oan sira-nia aprovetamentu iha eskola ne'e liuhusi informasaun ne'ebé profesór sira fó, ida ne'e mak importante", hatete nia.
Nune'e Komunidade husi munisípiu Ainaro, suku Suru-Kraik, Sequito Nova Araújo, husu Hovernu atu loke eskola ensinu bázika ida iha suku refere tanba estudante la'o ho distánsia ne'ebé dok husi suku Soru-Kraik mai to'o suku Soro.
“Ita dehan dehan katak alunu mak sai hanesan futuru ba nasaun”, dehan nia. (*)
