Ba proposta-lei OJE ne'e, Prezidente Parlamentu Nasionál, Aniceto Longuinhos Guterres Lopes, entrega ba komisaun espesializada permanente sira iha loron tersa (19/10).
Purtantu kalendáriu no giaun debate proposta-lei OJE 2022 ne'e, Komisaun C trata asuntu Finansa Públika, aprova ona iha loron (20/10), ne’ebé sei regula diskusaun tomak iha plenária.
Ho ida ne'e, komisaun espesializada sira finaliza ona audénsia publika, no sei halo análiza hodi halo relatóriu pareser atu aprezenta ba meza PN kria debate jeneralidade no espesialidade iha plenária.
Ba kalendáriu debate OJE ne'e, komisaun C marka mós loron kona-bá deskusaun finál globál nian, ne'ebé sei akontese iha loron 17 fulan-dezembru, nune'e oinsá mak bele submete hikas ba Komisaun C hodi halo redasaun finál iha loron 20 fulan- dezembru hodi haruka ba Prezidente Repúblika.
Enkuantu OJE 2022 ne'e, Governu liuhusi Ministru Finansa (MF), Rui Gomes no Ministru Asuntu Parlamentar no Komunikasaun Sosiál (MAPKOMS), Francisco Martins Jerónimo, aprezenta ba PN iha loron 15 fulan-outubru ho montante billaun US$1,675. (*)
