“Agora tempu udan, e husu Ministéiru Obras Públika (MOP), Institutu Jestaun Ekipamentu (IJE), nafatin tau atensaun ba fatin risku dezastre sira hanesan mota ninin sira iha parte Dili”, dehan nia iha Parlamentu Nasionál, kuarta (17/11).
Durante ne’e iha ona intervensaun imediatu ba dezastre naturál loron 4 abríl liuba, iha fatin balun la hadi’a sei fó risku.
Ho ida ne’e, resiza halo preparasaun di’ak liután, tanba Timor-Leste tama hela époka la-niña ne’ebé ho intensidade udan no anin boot sei mosu liliu alerta no fó hanoin kona-ba situasaun udan no anin boot ne’ebé sei akontese iha tinan 2021 no 2022.
“Governu iha ona preparasaun sira ho dezastre sira-ne’ebé akontese liuba, nune’e husu komunidade hotu nia kontribuisaun”, afirma nia.
Husu atu Governu hari’i sentru akollamentu ne’ebé daudaun iha ona faze identifikasaun rai, liliu hakas-an atu prosesu konstrusaun lais liután, hodi atende ba dezastre ne’ebé mosu. (*)