Print this page

KM Aprova Dekretu-lei ba Kriasaun Administrasaun Munisipál Ataúru

By November 17, 2021 701
Reuniaun Konsellu Ministru sira iha palasiu Governu momentu balun liuba. Reuniaun Konsellu Ministru sira iha palasiu Governu momentu balun liuba. Foto Suplay

Tempotimor (Dili)-Governu liuhusi Konsellu Ministru (KM) aprova ona projetu Dekretu-Lei ba kriasaun Administrasaun Munisipál Ataúru.

“Aprova ona projetu Dekretu-Lei ho objetivu atu kriasaun Administrasaun Munisipál Ataúru no hala’o alterasaun datoluk ba Dekretu-Lei nu. 3/2016, loron 16 fulan-marsu, ne’ebé altera husi Dekretu-Lei nu. 9/2018, loron 9 fulan-abril no nu. 54/2020, loron 28 fulan-outubru, ne’ebé korrije husi deklarasaun retifikasaun Prezidénsia Konsellu Ministrus nian nu.4/2020, loron 16 fulan-dezembru”, informa Ministru Prezidensi Konsellu Ministru, Fidélis Leite Magalhães, iha Palásiu Governu, kuarta (17/11).

Diploma ne’e aprezenta husi Ministru Administrasaun Estatál, Miguel Pereira de Carvalho no kria no estabelese Administrasaun Munisipál Ataúru.

“Ne’ebé sei simu kompeténsia adisionál iha área ambiente no turismu, nune’e define mós rejime espesiál ba organizasaun servisu Administrasaun Munisipál Ataúru”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items