“Ohin mai atu informa programa sira ne'ebé iha no konvida eselénsia atu prezide selebrasaun ne'e rasik iha masakre Santa Kruz nian”, dehan nia hafoin enkontru ho PR Lú Olo iha Palasíu Prezidensial Bairupite, kuarta (10/11).
Nune'e, Prezidente Repúblika aseita no disponível atu ba prezide selebrasaun ne'e iha 12 novembru.
Iha selebrasaun ne’e, SEJD foti tema "Ho Esperitu Asuwain 12 de Novembru nian, Joven hanesan Autor ida hodi proteje Timor sai husi Covid 19, e halo atividade sira hanesan kompetisaun drum band, muzika, diskursu, konsertu iha mós kampaña vasinasaun iha postu sira.
Atividade halo mós iha munisípiu sira seluk liuhusi organizasaun no sentru joventude sira hamutuk ho autoridade lokál sira no hahú ona refleksaun iha 27-28 outubru kalan iha Motael ba Saudozo Sebastião Gomes nia mate, sei kontinua refleksaun iha 11 Novembru kalan iha simeteriu Santa Cruz.
Selebrasaun iha 12 novembru ne'e hanesan baibain, halo missa iha igreza Motael depois marsa ba semitériu santa cruz no Prezidente Repúblika sei halo mensajen atu simboliza ba selebrasaun.
Orsamentu ba Selebrasaun Masakre Santa Cruz hamutuk US$40 mill-resin. (*)