"Ha'u laran ladun haksolok hanesan deputadu ohin loron tanba exelénsia Ministra Saúde la marka Prezensa iha uma fukun ida ne'e. Ministra Saúde la mai, tanba ida ba Leorema ne'e importante liu”, dehan Deputadu Bankada KHUNTO, António Verdial, hafoin partisipa audénsia públika ho ekipa Konsellu Jestaun Fundu Covid-19 iha PN, kuarta (10/11).

Tuir loloos Ministra Saúde tenke marka prezensa iha audénsia públika ne'ebé komisaun A, C, D, E, F, G halo ho ekipa Konsellu Jestaun fundu covid-19.

Tanba uluk primeiru Governu to'o sétimu Governu konstituisional, kuandu Parlamentu Nasionál konvida governante ne'e siknifika sira-nia atividade tenke para provizóriu, nune'e ba marka prezensa iha uma fukun.

Ba kestaun ne'e, Prezidente Komisaun C trata asuntu finansa públika, Maria Angelica Rangel hatete, dadaun ne'e Ministra Saúde iha hela viajen ba Munisípiu no Vise Ministru Saúde mos ninia kondisaun moras hela, tanba ne'e sei la marka prezensa iha audénsia públika ida ne'e.

Entretantu audénsia públika ne’ebé komisaun C, D, E, F no G, halo ho Konsellu Jestaun Fundu Covid-19, ne’ebé hetan de'it partisipasaun husi Ministru Finansas, vise Ministru Negosius Estranjeirus, Ministru Koordenadór ba Asuntu Ekonomiku, no Ministra Saúde aujensia. (*)