"Seremónia ba 12 de Novembru, kada tinan-tinan ne'e ninia atividade la'o hanesan baibain, ba estrada públiku ne'ebé ita sei bloqueia hahú husi aban mak Ponte My Friend nia tun mai ita taka, no husi estrada Audian nia sa’e ba rate santa kruz ita sei taka, ne'ebé planu de opersaun komandu ne'e iha tiha ona ita hein ba survey hodi ezekuta iha dia 12 de Novembru, ne'ebé atividade la'o hanesan tinan-tinan ne'e”, dehan Inspetór Domingos Sarmento, iha Kaikoli, kuarta (10/11).

Tanba ne'e apela ba komunidade sira ne'ebé hela iha Kapitál Dili katak, temporariamente dalan pertense ba rate santa kruz sei taka.

Nune'e husu ba Kondutór sira ne'ebé uza transporte públiku, bele hola diresaun sira ne'ebé mak livre hodi halo movimentu.

Entretantu menbru PNTL sira ne'ebé sei koloka ba área ne'e tama ona ba planu operasaun ba tranzitu, no sei fahe ba sift rua, ida responsável ba tempu dader no ida fali responsável iha tempu loraik. (*)