Print this page

PN Aprova Votu Pezar ba Dom Basílio do Nacimento

By November 04, 2021 946
Deputadu sira iha plenária Parlamentu Nasionál. Deputadu sira iha plenária Parlamentu Nasionál. Foto Suplay

Tempotimor (Dili)-Parlamentu Nasionál (PN) deside aprova votu pezár ikus ba Bispu Dioseze Baukau, Dom Basilío do Nascimento ne'ebé mak hakotu iis iha loron 30 fulan-outubru tinan 2021.

Prezidente Parlamentu Nasionál, Aniceto Longuinhos Guterres Lopes hatete, votu pezár ba saudozu Bispu Dom Basílio do Nasimento ne'e hanesan meiu ida atu dignifika ninia kontribuisaun ba nasaun no igreja katolika durante ne’e. 

“Ho nune'e votu pezár ho númeru 30/V (kuarta) ba Bispu Dom Basílio do Nacimento aprovadu”, dehan Aniceto hafoin finaliza aprovasaun votu pezar ba Bispu Dioseze Baukau Don Basilio do Nacimento iha plenária Parlamentu Nasionál (PN), kuarta (3/11).

Purtantu deputadu sira ne'ebé sai proponente ba pedidu votu pezar ne'e mak hanesan, Vise Xefe bankada CNRT, Patrocinio Fernandes, Xefe Bankada FRETILIN, David Dias Ximenes ‘Mandati’, Deputadu PUDD, António de Sá Benevides, Deputadu UDT, Franscisco David, Xefe bankada KHUNTO, Olinda Guterres no Xefe Bankada PLP, Cornelio Gama ‘"L-7". (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items