"Hau-nia pontu de orden ne'e hau hakarak lamenta oituan kona-ba desizaun ne'ebé foti atu halo plenária extraordinária, ba lokraik ida ne'e. Ita prezudika ema sira selseluk ne'ebé viajen ba liur, ba foho ne'ebé tenke fila ho urjentimente mai de'it, tanba de'it hela oras balun atu halo extraordinária”, dehan deputada CNRT, Veneranda Lemos iha plenária PN, kuarta (03/11).
Ho plenária extraordinária ne'e, Bankada sente preokupa tanba ema barak no deputadu balun mós ba finadu iha foho, e barak liu mak loron 3 mós sei tau ai-funan maibé meza halo ona desizaun atu kria plenária.
Tanba ne'e, mak CNRT haree katak desizaun plenária ne'e hanesan lisan laiha, kultura laiha, hanesan nia matebian hakoi de'it iha uma laran, ne'ebé la ba foho tanba sira halo plenária hodi prejudika ema sira ne'ebé ba halo finadu iha foho.
"Governu de'it fó toleránsia ba o dia do inteiru, e tanba saida mak plenária Parlamentu ne'e halo de'it ba loron sorin (metade do dia), hanesan fali ita iha demokrátika ketak ida iha rai ida ne'e”, afirma nia. (*)