Login to your account

Username *
Password *
Remember Me

MAPKomS-Embaisadór Xina halo Inspesaun ba projetu DTMB-SB iha Ulmera

Ministru MAPKomS, Francisco Jerónimo ho Embaixadór Xina halo inspesaun ba projeitu DTMB-SB iha Ulmera. Ministru MAPKomS, Francisco Jerónimo ho Embaixadór Xina halo inspesaun ba projeitu DTMB-SB iha Ulmera. Foto Suplay

Tempotimor (Dili)-Ministru ba Asuntu Parlamentár no Komunikasaun Sosiál (MAPKomS), Francisco Martins Jerónimo hamutuk ho Embaixadór Xina, sesta (28/10), hala'o inspesaun ba implementasaun projetu DTMB-SB iha suku Ulmera, Postu Administrativu Bazartete, Munisípiu Likisá.

"Atividade Inspesaun ne’e halo ho intensaun atu haree progresu sistema dijitalizasaun ne’ebé instaladu tiha ona no hanesan programa ikus ba faze dahuluk nian n’ebé Governu Xina oferese ba Timor-Leste atu fasilta komunidade asesu ba informasaun ho fasil no lais”, deklarasaun Ministru Francisco ne'ebé www.tempotimor.com asesu iha pájina ofisiál MAPKomS, sesta (29/10).

Hafoin halo inspesaun, MAPKOMS no Embaixadór Xina kontinua halo diálogu komunitáriu ho populasaun suku Ulmera, Likisá.

Purtantu iha diálogu komunitáriu ne’e, Embaixadór Xina sente haksolok tanba instalasaun iha faze dahuluk la'o ho di’ak tebes no hatudu kualidade imajen ne’ebé di’ak.

Ho instalasaun ne'e rasik, parte MAPKOMS hato’o ona pedidu instalasaun DTMB-SB faze tuir mai ba Governu Xines, ne’ebé iha futuru projetu ne’e sei la’os de’it finansiadu husi Governu Xina maibé Governu Timor-Leste mós sei aloka osan.

Maske iha projetu DTMB-SB ba faze dahuluk, Governu Xina husu atu hari’i torre rua, iha ne’ebé ida hari’i iha área Kutulau no ida seluk iha Biterlau.

Tanba tuir prazu ne'ebé Governu Xina hato'o ne'e katak prosesu instalasaun iha faze dahuluk tenki finaliza iha fulan neen nia laran maibé seidauk to’o prazu ne’ebé determina, instalasaun finalizada tiha ona no kompania responsável sei halo manutensaun durante fulan neen ba oin.

Maibé iha área Biterlau Governu sei la hari’i torre foun tanba toree tuan nia kondisaun favorável no sei hadi’a de’it inklui mós iha munisípiu Dili, Likisá, Bobonaro (Kailako), Ermera (Railako) no Aileu (Laulara).

Purtantu sistema DTMB-SB ne’ebé instaladu ona to'o agora totál hamutuk rihun-30 ne’ebé kobre ona área balun no suku besik atus ida resin mak hetan ona asesu.

Enkuantu, prosesu instalasaun DTMB-SB ba faze daruak sei kontinua iha tinan 2022 ho durasaun tinan-lima hodi harii tan torre neen ne’ebé sei kobre teritóriu Timor-Leste tomak no hafoin finaliza sei halo teste ba ninia kualidade antes hakat ba faze tuir mai.

Ba prosesu ne'e, Reprezentate komunidade suku Ulmera, Pascoela dos Santos Silva, sente kontente no agradese ba Governu Xineza no Governu Timor-Leste ne’ebé halo ona instalasaun ba sistema dijitál ne’e hodi fasilita komunidade bele asesu ba informasaun ho kualidade.

Ho progresu dezenvolvimentu ne'e nuudar komunidade rekomenda ba Governu atu aumenta tan kanál seluk iha antena dijitál ne’e.

Entretantu komunidade iha aldeia Manemuhak Suku Ulmera, hamutuk uma-kain limanulu mak seidauk asesu ba projetu DTMB-SB tanba laiha liña eletrisidade. (*)

Rate this item
(0 votes)
Last modified on Monday, 01 November 2021 14:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter