Print this page

Governu Fó Kompetensia Ba Munisípiu Jere Rasik Administrasaun

By October 27, 2021 1398
Diretór Jerál Desentralizasaun Adminitrativa Administrasaun Estatál, Belarmino Felomeno Neves ko’alia hela ba media sira iha salaun sentru konvensaun Baukau, tersa (26/10). Diretór Jerál Desentralizasaun Adminitrativa Administrasaun Estatál, Belarmino Felomeno Neves ko’alia hela ba media sira iha salaun sentru konvensaun Baukau, tersa (26/10). Foto Tomas Freitas

Tempotimor (Baukau)- Governu liu husi Ministériu Administrasaun Estatál (MAE) fó kompetensia ba Munisípiu atu jere rasik administrativa bazeia ba dekrétu lei Nu.3/2016 ne'ebé hatúr ona kona-ba estatutu Administrasoins Autóridade Munisípal.

Diretór Jerál Desentralizasaun Adminitrativa Administrasaun Estatál, Belarmino Felomeno Neves hatete, dadaun iha hela faze deskonsentrasaun Adminsitrativa triambulu dekrétu lei ne'ebé hatúr ona molok hakat ba kolektiva artigu 72 K-RDTL.

"Katak Kompetensia sira delega entrega mai iha Munisípiu sira, para sira jere organiza no regula rasik, maibé responsabilidade kontinua nafatin iha leten, katak sira nafatin hóla responsabilidade rona orientasaun rona ordem no instituisaun husi nasionál", nia dehan iha salaun sentru konvensaun Baukau, tersa (26/10).

Maibé, oitavu governu konstituisionál ba faze daruak komesa fó fiar ba kada Munisípiu sira, atu iha aspetu aprovizionamentu, nune'e bele hala'o rasik servisu la presiza rona tan órdem ruma husi parte nasionál.

Tanba, iha tinan 2020 orsamentu ne'ebé aloka ba Munisípiu 29 milloes, maibé iha tinan 2021 ne'e aumenta ba 57 Milloes, atufahe ba aréa oi-oin, tanba governu fó ona fiar ba atoridade sira atu jere rasik.

"Iha faze ida ne'e sira iha ona Autonomia Administrativa, Autonomia finanseira no mós autonomia patrimonia sira la hetan tán istrusaun husi nasionál, sira so hetan de'it akompanamentu supervizaun husi nasionál", nia esklarese

Plánu ne'e, sei hatudu intervensaun husi nasionál natoon de'it ba prosesu akompanamentu no mós supervizoriu, maibé dadaun iha Munisípiu seidauk iha aprezentasaun demokratika, tanba pesoál sira ne'ebé lidera administrasaun autoridade Munisípal seidauk eleze tuir plánu ne'ebé konstituisionál hatúr ona.

Iha faze datoluk bolu dezentralizasaun autonomu territoriál ne'e atu hatan ba artigu 72 KDRTL katak, Munisípiu sei dirize hosi pesóal kolektiva no sei eleitu hosi komunidade kada Munisípiu tantu orgaun ezekutivu no lejislativu banati tuir dekretu lei númeru 3/2021.

Parlamentu Nasionál rasik aprova ona lei poder lokál no eleisaun Munisípal, lei refere iha kriteria ema tenki sidadaun Timor-Leste, iha esperensia no propoint hosi komunidade no partidu polítiku.

"Maibé lei nee PN foin haruka ba Prezidente Repúblika para hetan nia promulgasaun", nia hakotu (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items