Governu Konvida MEE-UE Observa Eleisaun Prezidensiál

Prezidente Komisaun Nasionál ba Eleisaun (CNE), José Belo: Prezidente Komisaun Nasionál ba Eleisaun (CNE), José Belo: Foto Suplay

Tempotimor (Díli)-Prezidente Komisaun Nasionál ba Eleisaun (CNE), José Belo hatene, Governu Timor-Leste konvida delegasaun Misaun Explorasaun Eleitorál (MEE) husi Uniaun Europeia (UE) observa Eleisaun Prezidensiál (ElPrez) iha tinan 2022.

"Pedidiu ne'e mai husi Governu Timor-Leste ba sira, atu aban bairua sira mós halo observasaun ba ita nia eleisaun prezidensiál (ElPrez) ne'ebé sei mosu iha Marsu tinan 2022, tanba ne'e Uniaun Europeia sira mai”, dehan José Belo ba jornalista hafoin halo reuniaun ho delegasaun MEE iha Salaun CNE Lalini Larigutu, segunda (25/10).

Ho delegasaun sira ne'e mai hakarak atu hatene kona-ba Governu nia preparasaun, no sira mós atu hatene kona-ba halo mudansa lei sira, inklui mós iha kondisaun atu selebra festa demokrasia ne'e ka la’e, nune'e mós kona-ba mudansa lei sira ne'e iha benefisiu ka la’e iha tempu eleisaun nia.

"Ekipa sira mai ne'e atu hatene kona-ba ida ne'e ikus mai sira halo relatóriu ba nível altu sira iha sira-nian iha Europa depois mak sira deside saida mak sira apoiu mais portantu sira mai de'it maibé sira mós hetan konvite”, dehan nia.

Hafoin enkontru, delegasaun Misaun Explorasaun Eleitoral (MEE) sira urgullu tanba Governu halo preparasaun másimu ba eleisaun prezidensiál ne'ebé sei mai.

"Sira hanoin, tanba membru komisaun sira keta foun karik, maibé ami dehan iha sira ne'e na'in-rua de'it mak foun, seluk ne'e hotu hotu iha esperiénsia, e CNE no STAE hotu hotu preparadu no sira mós husu kona-ba ita nia Orsamentu”, esplika nia.

Tanba sira Ekipa delegasaun sira hakarak Timoroan realiza eleisaun ho di'ak to'o iha nível Munisípiu sira.

Delegasaun Misaun Explorasaun Eleitoral (MEE) ne'e mós prontu apoiu saida mak Governu presiza, maibé dadaun ne'e Governu Timor-Leste aloka ona Orsamentu ba eleisaun ne'e no hein nia loron realizasaun bainhira nia tempu to'o. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter