“Iha pedidu ne'e Bankada husu pergunta haat ba Prezidente, ho intensaun atu hetan informasaun klaru kona-bá situasaun polémika ne'ebé ema hotu hasoru. Agora resposta husi Prezidente seidauk, ne'e mak ohin ha'u tama keta resposta ne'e mai ohin karik, maibé normalmente laiha resposta”, hatete Xefe Bankada CNRT, Duarte Nunes, iha Parlamentu Nasionál, kinta (14/10).
Kampaña vasinasaun ne'e, sei hala'o iha Munisípiu Ainaro, Ermera, no Bobonaro, hodi halo esplikasaun no sosializa informasaun ba povu oinsá mak bele ba simu vasina.
Maibé, pozisaun CNRT seidauk bele envolve tanba presiza hetan informasaun no esplikasaun balun husi PN, nune'e bele envolve iha kampaña ida ne'e.
"Prontu hothotu ko'alia kona-bá situasaun vasina. Agora ami husu ona tanba ami-nia desizaun iha bankada katak, kuandu informasaun iha ita partisipa, ne'e ami-nia pozisaun hanesan deputadu, tanba ema ne'ebé hetan vasina ne'e mai husi povu nia oan”, dehan nia. (*)