FRETILIN Konsidera Telekomunikasaun Tolu ‘Na’ok’ Povu Nia-Osan 

Deputadu Fretilin, Marito Mota. Deputadu Fretilin, Marito Mota. Foto Suplay

Tempotimor (Dili)-Bankada Frente Revolusionáriu Timor-Leste no Independente (FRETILIN) iha Parlamentu Nasionál (PN) konsidera kompaña telekomunikasaun hanesan Telemor, Timor Telecom, no Telkomcel durante ne’e na’ok hela povu nia osan.

“Ha'u liga ba liña internet, ita hatene katak prezensa kompaña telkomunikasaun tolu iha Timor-Leste, fulan ida resin ona atu tama fulan-rua, liña internet ne'e la di'ak. Iha semana kotuk ha’u konsidera hanesan korrupsaun tanbasá, US$1 kada konsumidór sira ne'ebé mak durante ne'e enxe halo pakote, maibé rede la di'ak”, dehan deputadu Bankada FRETILIN, Marito Fatubai Mota, iha plenária PN, tersa (12/10).

Bankada Fretilin mós nota kompaña telkomunikasaun hirak ne'e fulan-ida resin ona oferese de'it rede internet la kualidade maibé Autoridade Nacional Comunicação (ANC) seidauk fó razaun ruma.

"Tanbasá mak rede ho liña ne'e laiha, hodi bele garantia konsumidores sira ne'ebé mak durante ne'e lakon osan pulsa lor-loron maibé rede ne'e la di'ak”, afirma nia.

Tanba ne'e husu Governu liuhusi Ministru Asuntu Parlamentar no Komunikasun Sosiál, Francisco Jerónimo, atu hatuka hela preokupasaun ne'e ba Ministériu Transporte no Komunikasaun (MTK) hodi buka solusaun.

Parte seluk husu mós Governu atu forse sertifikadu ba empreza telekomunikasaun ne'ebe hari’i husi sidadaun Timoroan atubele kompete ho kompaña telekomunikasaun internasionál hanesan Telemor, Timor Telecom no Telkomsel.

"Ha’u-nia preokupasaun, e ikus ne'e señor ministru, ha'u rona ona katak iha empreza telkomunikasaun timoroan, ne'ebé mak rejistu ona, e sira kompleta ona sira-nia rekejitu, maibé ate adata Governu seidauk sertifika sira, e sira hein sertifikadu. Tanba sira mós hakarak kompete ho kompaña internasionál boot tolu ne'ebé liga ba liña telkomunikasaun ne'e”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter