"Deskulpa ha'u la halo komentáriu kona-ba ida ne'e" dehan Isabel Ferreira iha Bidau mota Klaran kuarta (06/10).
Maske Espoza PM hetan apoiu maka’as Husi Grupu movimentu Juventudu Munisípiu sira ne’ebé deklara ona pozisaun hodi apoiu kandidatura independente Isabel Ferreira iha eleisaun prezidensial.
Antes ne'e, Primeiru Ministru, Taur Matan Ruak, mós rejeita fó informasaun kona-ba kandidatura Isabel Ferreira ba Prezidente Repúblika iha tinan 2022.
"Mai ida ha'u, ne'e la'ós assuntu ida ne'ebé ha'u la'ós atu ko'alia ho sua eselénsia Prezidente da Repúblika ne'ebé ha'u labele responde perguntas ida ne'e”, dehan Taur iha Rezidénsia PR Faról, kinta (19/09).
Nunne'e mós joventude barak sira husi Munisípiu fó apoiu ba espoza Primeiru Ministru, Isabel Ferreira, atu kandidata-an ba Prezidente Repúblika iha Eleisaun Prezidensiál tinan 2022. (*)
