Print this page

FRETILIN Lafiar Xanana-Kalbuadi Haruka Mídia Defama Líder Rejisténsia 

By October 05, 2021 1914
Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão (los) ho Sekretáriu Jerál, Francisco Kalbuadi Lay (katu), dada lia hela iha Aeruportu Internasiona Prezidente Nicolao Lobato, Komoro-Dili, iha momentu balun liuba. Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão (los) ho Sekretáriu Jerál, Francisco Kalbuadi Lay (katu), dada lia hela iha Aeruportu Internasiona Prezidente Nicolao Lobato, Komoro-Dili, iha momentu balun liuba. Foto Suplay

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), Francisco Miranda Branco hatete, nia parte la fiar Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão ho Sekretáriu Jerál, Francisco Kalbuadi Lay, haruka mídia center atu defama líder rejisténsia sira, iha mídia sosiál.

"Partidu CNRT ne’ebé lidera husi Sekretáriu Jerál Francisco Kalbuadi Lay no funu na'in Kay Rala Xanana Gusmão, imposivel, (tidak mucking) atu orienta sira-nia mídia partidu atu defama no hatun nia maluk funu-na'in tinan 24  iha ai-laran”, dehan nia iha plenária Parlamentu Nasionál (PN), tersa (05/10).

Pozisaun Bankada FRETILIN fi'ar katak mídia Center ne'e la'ós pertense ba partidu CNRT nian no ba partidu sira seluk iha Timor-Leste, tanba Partidu CNRT ne'ebé hari'i iha tinan 2007 ne'e ho intensaun atu hametin páz no estabilidade ba povu no nasaun ne'e.

"Fretilin la fi'ar katak na'in loloos ba mídia center pertense ba CNRT nu’udar partidu, tanba CNRT ho nia lideransa prova ona sira-nia responsabilidade no hatene katak mídia nia funsaun atu kontribui ba eduka ita-nia sosiedade, kontribui ba konsolidasaun estadu, kontribui ba páz, estabilidade no ba unidade nasionál”, dehan nia.

Ne'e duni, bankada Fretilin hakarak Parlamentu Nasionál klarifika prosesu kona-bé dokumentu ne'ebé bankada parlamentar sira haruka ba meza liga ho anti projetu-lei Krime Sibernétika.

"Ami hakarak suskreve projetu-lei krime sibernétika, maibé ami mós hakarak hatene to'o ona iha ne'ebé prosesu, ami-nia dokumentu balun ne'ebé ami prepara anti-projetu da lei. Referénsia husi rai balun nian, ne’ebé oras ne'e ami hein nia tradusaun sei iha sekretariadu Parlamentu Nasionál”, esplika nia.

Maibé husu ba instituisaun relavante sira atu investiga didi'ak mídia sira ne'ebé mak bebe'ik no konstantemente, defama, hafo'er no hatun líder rejisténsia ne'ebé uluk luta ba prosesu hari'i Estadu Repúblika Demokrátika Timor-Leste (RDTL).

Ba kestaun ne’e, Prezidente Parlamentu Nasional (PN), Aniceto Longinhos Guterres Lopes hatete, nia parte submete ona karta ofísiu ho anexu anti projetu-lei sibernétika ba bankada parlamentár sira atu konsidera.

"Anti projetu-lei sibernétika nian, sé la sala horisehik segunda (04/10), ha'u envia ona ofisiu ida ho anexu anti projetu ne'e ba bankada parlamentár sira, atu konsidera para hola inisiativa iha tempu badak”, afirma nia.(*)

Rate this item
(1 Vote)
Last modified on Tuesday, 05 October 2021 13:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items