Tuir ajenda númeru 294/V (4a) ne'ebé fó sai husi Prezidente Parlamentu Nasionál (PN), Aniceto Longuinhos Guterres Lopes katak, Parlamentu Nasionál sei kontinuasaun halo diskusaun no votasaun ba orsamentu privativu tinan fiskál 2022.

Tanba iha loron segunda (4/10) Parlamentu Nasionál konsege aprova ona proposta orsamentu privativu ho rezultadu votasaun a-favór 41, kontra 0 no abstensaun 11.

Ba orsamentu privativu ne'ebé prevé ho montante tokon US$14.7 ne'e, sei koloka ba saláriu no vensimentu tokon US$5,600 bens  serbisu tokon US$6,638, kapitál menór rihun US$935 transferénsia públika tokon US$1,552, no kapitál dezenvolvimentu mamuk.

Dadaun ne’e, deputadu sira konserta hela iha plenária hodi hahú hala'o debate iha periode antes orden do dia. (*)