Login to your account

Username *
Password *
Remember Me

Juventude Likisá Konsidera Isabel Ferreira 'Merese' ba PR

Portavóz Grupu Juventude Munisipiu Likisa (GJML), Olandina dos Santos da Silva. Portavóz Grupu Juventude Munisipiu Likisa (GJML), Olandina dos Santos da Silva. Foto Tempo Timor

Tempotimor (Dili)-Grupu Juventude Munisípiu Likisá (GJML) konsidera Espoza Primeiru Ministru (PM), Isabel da Costa Ferreira, merese kandidata-án ba Prezidente Repúblika (PR) bele restaura hikas mehi no esperansa povu Timor-Leste nian.

“Ami Likisaoan sira hanoin katak, ema ne'ebé merese atu sai PR iha momentu krusiál sira hanesan daudaun ita ultrapassa hela, presiza ema ne'ebé independente no feto. Tan ne'e hothotu ho lian ida, mehi ida no kompromisu ida, hodi apoiu Isabel da Costa Ferreira ba PR, períodu 2022-2027. Tan nia ema ida ne'ebé hanesan líder joven ida, no bele la'o hamutuk hodi aprende atu luta ba mudansa ne'ebé ita hotu hakarak”, dehan Portavóz GJML, Olandina dos Santos da Silva, iha Restaurante Benifica, sábadu (02/10).

Juventude Likisá hakarak husu Isabel da Costa Ferreira atu ba kompete iha eleisaun prezidensiál tinan 2022, nu’udar Independente tanba agora tempu ona atu lori Timor-Leste ida ne'ebé forte, inovativu no seguru ba povu.

“Ho razaun ne'e mak, liuhusi biban ida ne'e, ami mai unifika forsa husi juventude timoroan nian tomak, no manifesta ami-nia espíritu protidaun, volutarizmu, dedikasaun, sakrifisiu no luta maka’as hodi bele garante vitória ba Isabel da Costa Ferreira”, dehan nia.

Tanba ema ne'ebé atu kandidata-án ba Prezidente Repúblika, tenke iha koñesimentu kona-bá jeopolitika no jeo-estratéjia; tenke moris ho povu, koñese didi'ak nesesidade Estadu no Povu ida ne'e nian, oinsá tetu desizaun hothotu ne'ebé atu foti, tenke reflete mós ba razaun husi fuan nian.

Nune'e mós tenke iha sentimentu ba rai ida ne'e, tuir de'it saida mak Konstituisaun no Lei haruka, tenke sai simbolu ba Unidade Nasionál, hodi garante no haburas estabilidade, seguransa, páz, harmonizasaun sosiál, hodi bele haroman hikas mehi no esperansa timoroan tomak nian. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter