Print this page

STAE Hahú Rejísta Eleitór Foun Rihun-7-resin

By October 01, 2021 1282
Diretór Jerál Sekretáriadu Tékniku ba Administrasaun Eleitóral (STAE), Acilino Branco. Diretór Jerál Sekretáriadu Tékniku ba Administrasaun Eleitóral (STAE), Acilino Branco. Foto Suplay

Tempotimor (Dili)-Diretór Jerál Sekretáriadu Tékniku ba Administrasaun Eleitóral (STAE), Acilino Branco hatete, bazeia ba dadus privizóriu ne'ebé rejísta, liuhusi resenseamentu eleitóral no atualizasaun baze dadus iha ona eleitór foun hamutuk rihun-7-resin.

“Eleitór foun pur volta de 7 mill ital, até fulan-jullu. Tanba atendimentu hala'o iha postus administrativus sira, entaun ita utiliza sistema ida ne'ebé mak depois de halo atendimentu, sei sinkroniza mai iha munisípiu, depois mai iha nasionál, entaun kada fulan rua ou tolu mak ita atualiza ninia progresu tuir rezultadu atendimentu iha postu administrativus sira”, informa Acilino Bianco, iha kna'ar fatin Kaikoli, kinta (30/09).

Dadaun ne’e, STAE mós iha ona sistema ne'ebé bele ligadu husi estranjeiru mai iha Timor-Leste, bainhira ekipa téknika sira-nia dezlokasaun to'o ona nasaun Koreia Súl, Portugal no Inglaterra, sei instala mós sistema iha serverdór sentrál STAE ninian.

Tanba ne'e, progresu kona-ba dadus hirak ne'e sei atualiza iha kada fulan rua ka tolu, inklui mós ona rezultadu husi nasaun sira ne'ebé mak tékniku halo resenseamentu nomós atualizasaun baze dadus.

"Mais neste momentu, ita-nia dadus provizóriu ne'ebé mak rejístadu iha sistema baze de dadus, hamutuk 846,315 eleitór, até juñu ou julli fulan kotuk. Mais tékniku sira halo hela rekollamentu e sinkroniza e oras ida ho fali partidu politiku sira atu aprezenta fali rezultadu povizóriu ne'e ba sira”, haktenik nia. (*)

Rate this item
(0 votes)
Last modified on Friday, 01 October 2021 08:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items