Login to your account

Username *
Password *
Remember Me

Loron Sesta, Ekipa ba Resenseamentu Eleitorál Diaspora Sei Aranka

Prezidente Komisaun Nasionál ba Eleisaun (CNE), Jose Agostinho Belo. Prezidente Komisaun Nasionál ba Eleisaun (CNE), Jose Agostinho Belo. Foto Suplay

Tempotimor (Dili)-Prezidente Komisaun Nasionál ba Eleisaun (CNE), Jose Agostinho Belo informa, ekipa resenseamentu eleitorál diaspora (estranjeiru) husi Sekretariadu Téknika Administrasaun Eleitorál (STAE) ho CNE hamutuk ho parte Justisa ninia sei aranka, iha loron sesta (1/09).

"Prosesu resenseamentu diaspora tanba haree ba kestaun vou ne'ebé la'o ne'e mak iha ona desizaun e outubru, loron 1 ha'u hanoin STAE ho CNE sei desloka ba Portugál, Irlánda, Korea Súl para bele simu sidadaun eleitór sira ne'ebé presiza tebes oinsá atu rejistu”, dehan nia iha salaun Laline Larigutu CNE, Kolmera, kuarta (29/09).

Diretor Jerál Sekretariadu Téknika Administrasaun Eleitorál (STAE), Acelino Branco hatete, iha loron kinta (30/09) sei halo serimónia despedida ba ekipa sira ne'ebé desloka ba diaspora no ida ne'e definitivu, preparasaun tékniku kompletu ona.

"Husi parte STAE rasik, CNE, justisa parte tolu ne'e preparadu e agora falta de'it kestaun tékniku ida rua, liliu liga ho koordenasaun ho ita-nia Embaixada sira husi pais sira ne'ebé mak atu halo resenseamentu ne'e, liliu liga ho alozamantu nomós sentru kuarentena sira tanba ekipa sira ba ne'e sei halo kuarentena”, informa nia.

Maibé preparasaun tékniku sira seluk entermu ekipamentu materiál sira ne'ebé mak atu utiliza ba resenseamentu iha rai liur preparadu hotu ona.

"Aban (30/09) simbolikamente ita sei entrega iha serimónia deslokasun ba ekipa sira ne'ebé sei desloka ba Korea, portugal, Inglaterra, agora provizória ba Austrália ita suspende hela tanba razaun situasaun pandamia global ne'ebé mak afeta mundu inklui Austrália mós aplika serka sanitária ne'ebé rigorozu tebtebes”, dehan nia.

Responsabiliza prosesu ne'e to’o rohan husi Ministériu Negósiu Estranjeiru Kooperativa no STAE nia presensa iha ne'ebá ne'e atu fasilita formasaun nomós ba halo instala sistema.

"Porque ita ba lori ekipemtu, ita garantia katak prosesu reseseamentu tuir rezolusaun Governu ne'ebé mak iha, dadus sira ne'e tenke sirkuniza aumatikamente mai iha servedór sentrál STAE nian”, esplika nia.

Ekipa ne'ebé atu ba halo resenseamentu eleitorál iha diaspora, husi parte STAE iha na'in-8, Ministériu Justisa na'in-8, hamutuk ho sira seluk  iha na'in-20 ka 30 ne’ebé sei desloka. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter